Sport

Elbasan Arena “pushtohet” nga familja Xhaka, Graniti: Hera e parë që e shoh si tifoz, ndihem krenar për Taulantin (FOTO)

Granit Xhaka, i cili luan me Zvicrën, bashkë me kushëririn Agon Xhaka, si dhe me babain, janë prezentë të gjithë në stadiumin “Elbasan Arena”, për të parë Shqipërinë ndaj Moldavisë, si dhe pjestarin tjetër të familjes, Taulantin, por që në këtë takim do ta nisë nga stoli.
Featured image of article: Elbasan Arena “pushtohet” nga familja Xhaka, Graniti: Hera e parë që e shoh si tifoz, ndihem krenar për Taulantin (FOTO) Familja Xhaka

ELBASAN- Familja Xhaka, ka zbarkuar në qytetin e Elbasanit për të mbështetur Taulantin, i cili do të luajë këtë mbrëmje më kombëtaren kuqezi në ndeshjen Shqipëri- Moldavi.

Granit Xhaka, i cili luan me Zvicrën, bashkë me kushëririn Agon Xhaka, si dhe me babain, janë prezentë të gjithë në stadiumin “Elbasan Arena”, për të parë Shqipërinë ndaj Moldavisë, si dhe pjestarin tjetër të familjes, Taulantin, por që në këtë takim do ta nisë nga stoli.

Gjatë një prononcimi për “Supersport”, Graniti u shpreh: “Është hera e parë që e ndjek Taulantin këtu në stadium, “live” tek Shqipëria. Kosova? Isha krenar me Kombëtaren e Kosovës, por edhe me të Shqipërisë. Nuk ishte e lehtë ndaj Bullgarisë, por luajtën mirë dhe në fund isha krenar për ta. Kanë një kombëtare të mirë, po kalojnë një fazë me fitore, dhe ishalla vazhdojnë kështu. Shqipëria? Për momentin Shqipëria nuk po kalon një fazë të mirë, por me një fitore shpresoj ta kthejnë sot. Vetëm pak kam që kam mbaruar stërvitjet, sot në mëngjes udhëtova në Prishtinë, erdha me babin dhe vëllanë 4 orë me makinë, për të parë Shqipërinë. Do kthehem sot sërish në Prishtinë, të rrimë 7-8 ditë atje, dhe më pas me nusen do shkojmë në pushime”, u shpreh Graniti.

(a.m/dosja.al)

Shto Koment