Politike

EKZKLUZIVE/ Koncensioni i pompave të naftës, flet “Penzoil”: Tenderi është i paligjshëm, favorizuan kompaninë shqiptare, na lanë mënjanë

  • Koncesioni i pompave të naftës, PD: Korruptiv. Ministrja Denaj: S’do ketë rritje të çmimit të karburanteve
  • Në një email të dërguar në redaksinë e Dosja.al, Departamenti për Marrëdhëniet Publike Ndërkombëtare i kompanisë ‘Penzoil” që ishte candidate për të fituar tenderin e pompave të naftës është shprehur se tenderi ka qenë i kamufluar.
    Featured image of article: EKZKLUZIVE/ Koncensioni i pompave të naftës, flet “Penzoil”: Tenderi është i paligjshëm, favorizuan kompaninë shqiptare, na lanë mënjanë Anila Denaj, Agron Shehaj dhe Penz Oil

    TIRANË– Ka reaguar për herë të parë komania e huaj “Penz oil” që ishte kandidate për të fituar tenderin e pompave të naftës në Shqipëri. Në një email të dërguar në redaksinë e Dosja.al, Departamenti për Marrëdhëniet Publike Ndërkombëtare i kompanisë ‘Penzoil” është shprehur se tenderi ka qenë i kamufluar.

    Ndër rreshta theksohet gjithashtu se procedimi i tenderit ka qenë i programuar për t’u fituar nga kompania shqiptare “Noa Control” dhe se është bërë një mënjanim i kompanive të huaja në garë.

    Në email theksohet gjithashtu se nëse kompania ‘Penz oil” do të vërtetojë të dhënat e mësipërme do të ndjekë procedurat ligjore për të vendosur drejtësi.

    “Për momentin nuk ka “rast penal”, por më tepër një ankesë e cila është pranuar nga Gjykata Administrative për shkak se Ministria ka shpallur një njoftim të paligjshëm të tenderit.

    Njoftimi i tenderit është i paligjshëm për shkak se ka disavantazhe për kompanitë e huaja në avantazh të një kompanie lokale e cila do të ishte favorizuar përtej ligjit siç thuhet në fjalinë.

    Përkundër dënimit, kemi dëgjuar se autoritetet publike do të kishin dhënë gjithsesi koncesionin tek kompania vendase.

    Nëse ky informacion do të konfirmohet, ne mund të veprojmë për të zbatuar dënimin që nuk mund të shpërfillet.

    Faleminderit shume per vemendjen tuaj,”– thuhet në përgjigjen e kthyer për Dosja.al nga Departamenti për Marrëdhëniet Publike Ndërkombëtare i kompanisë ‘Penzoil”.

    Akuzat për korrupsion në tenderi ne pompave të naftës u ngritën fillimisht nga Agron Shehaj. Në një status në Facebook, Shehaj akuzoi  qeverinë se ka dhënë një tjetër kontratë koncesionare që bën fjalë për kontrollin e pompave të karburanteve.

    Sipas tij, koncesioni ishte vendosur në kundërshtim me vendimin e gjykatës për pezullimin e tenderit. Më tej ai thekson se koncesioni i heq arkës së shtetit 100 milionë euro për 20 vjet dhe ia jep ato klientëve të Edi Ramës dhe familjes së tij.

    Në lidhje me këtë denoncim ka reaguar edhe ministrja e Financave, Anila Denaj, e cila u shpreh se nuk ka një vendim të formës së prerë nga Gjykata Administrative e Tiranës për kompaninë “NOA Controll” dhe për këtë arsye ka vijuar procedura e shpalljes së saj fitues.

    (f.m/dosja.al)

    Shto Koment