Aktualitet

Turku vret turkun në Prishtinë, viktima dhe autori ishin në një makinë, e qëlloi nga sedilja e pasme (FOTO+EMRI))

Referuar njoftimit të policisë, i dyshuari dhe viktima (të dy shtetas turq), kanë qenë brenda të njëjtës makinë.  Autori  ka qenë i ulur në sediljen e pasme të mjetit, ka qëlluar me armë zjarri drejt viktimës dhe për pasojë, ky i fundit ka humbur jetën.
Featured image of article: Turku vret turkun në Prishtinë, viktima dhe autori ishin në një makinë, e qëlloi nga sedilja e pasme (FOTO+EMRI)) Foto nga vendi i ngjarjes
Përditësuar:

KOSOVE- Një ngjarje e rëndë ka ndodhur në Prishtinë ditën e sotme ku një person, shtetas turk është ekzekutuar me armë zjarri. Policia e Kosovës njofton se vrasja ka ndodhur në lagjen Dardania, në Prishtinë.

Referuar njoftimit të policisë, i dyshuari dhe viktima (të dy shtetas turq), kanë qenë brenda të njëjtës makinë.  Autori  ka qenë i ulur në sediljen e pasme të mjetit, ka qëlluar me armë zjarri drejt viktimës dhe për pasojë, ky i fundit ka humbur jetën.

Policia ka arritur të identifikojë autorin dhe është futur në banesën e tij. Efektivët e kanë basitsur godinën dhe kanë arritur që të mësojnë emrin dhe të gjejnë një foto të autorit të ngjarjes. Arma e krimit është gjetur rreth 100-150 metra larg vendit të krimit, në një kosh plehrash.

Për më shumë bëhu pjesë e grupit më viral në Facebook, Dosja.al

Motivet e ngjarjes nuk dihen ende. 

(kle.mu;f.m/dosja.al)

  • 20:19

    https://dosja.al/vrau-bashkeatdhetarin-e-tij-turk-zbulohet-identiteti-i-autori-te-krimit-ne-prishtinefotoemeri/

    Atila Yildirim

    Atila Yildirim është personi kryesor i dyshuar për vrasjen e bashkëatdhetarit të tij, ditën e sotme në Prishtinë. Ai është shpallur në kërkim nga policia e Kosovës pasditen e sotme pas identifikimit të tij nga forcat e armatosura. Lajmin e ka bërë të ditur vetë policia e Kosovës me anë të një njoftimi që ka bërë në faqen zyrtare. Në njoftim policia ka treguar emrin dhe foton e personit të dyshuar për vrasjen që ndodhi në rrugën “Bekim Fehmiu”. Më tej, policia ka falenderuar qytetarët për bashkëpunimin dhe ndihmën që kanë dhënë.

    Njoftimi i Policisë:

    Referuar rastit të vrasjes që ka ndodhur sot rreth orës 12:00 ne rrugën “Bekim Fehmiu” në Prishtinë. Drejtoria Rajonale e Policisë – Prishtinë, pas identifikimit të personit të dyshuar me autorizim të Prokurorisë së shtetit, shpallë në kërkim personin e dyshuar; YILDIRIM ATILA (1967), shtetas i Turqisë. Duke i falënderuar qytetarët për bashkëpunimin e vazhdueshëm, në veçanti për këtë rast, po ju përcjellim fotografinë e pesonit të dyshuar dhe kërkojmë nga të gjithë ata që kanë informacione lidhur me vendndodhjen e personit të kërkuar ta njoftojnë policinë në numrin 192.

  • 15:58

    Të dy shtetas turq! Policia bastis shtëpinë e autorit të vrasjes në Prishtinë, arma u gjet në një kosh plehrash

    Personi që u ekzekutua me amrë zjarri në mes të Prishtnës është shtetas turk. Mediat lokale shkruajnë se viktima, identiteti i të cilit nuk dihet ende, është ekzekutuar nga një bashkëatdhetar i tij. Nga ana tjetër, policia ka rënë në gjurmët e autorit. Efektivët kanë zbarkuar në shtëpinë e autorit që është gjithashtu turk dhe e kanë bastisur atë. Por nuk kanë gjetur asnjë gjurmë të ekzekutorit brenda saj. Arma e krimit u gjet në një kosh plehrash rreth 100- 150 metra nga vendi i ngjarjes, në rrugën “Bekim Fehmiu” në Prishtnë.

  • 13:49

    Njoftimi i plotë i policisë:

    Njoftimi i plotë i policisë:

    Rreth orës 12:00 policia ka marrë informatën për rastin e ndodhur në rrugën, “Bashkim Fehmiu” në Prishtinë, dhe menjëherë ka dalë në vendin e ngjarjes. Nga këqyrja e vendit të ngjarjes është konstatuar se bëhet fjalë për vrasje dhe ngritur dyshimi se i dyshuari dhe viktima kanë qenë brenda të njëjtës veturë dhe i dyshuari nga mbrapa  ka shtënë me armë zjarri në viktimën, mashkull i cili për pasojë ka humbur jetën. Në vendin e ngjarjes janë ftuar edhe specialist për hetimin e rasteve të vrasjeve si dhe njësitë e specializuara për ekzaminim të vend ngjarjes. Në bashkëpunim me prokurorin e shtetit ka nisur një hetim me qëllim të sqarimit dhe ndriçimit të rrethanave dhe motiveve që kanë sjellë deri te ky rast tragjik. Deri më tani policia ka arritur të identifikoj të dyshuarin e mundshëm që dyshohet të jetë shtetasi huaj i cili ka ikur nga vendi i ngjarjes. Aktualisht policia ka indetifikuar veprimet e saj për të zbuluar vendndodhjen e tij të dyshuarit me qëllim kapjen e tij.

Shto Koment