Beniamin Bezhani
VLORË– Në lidhje me ekzekutimin e të riut Beniamin Bozhanaj në Vlorë janë shoqëruar 10 dëshmitarë dhe banorë të zonës në polici. Një ndër pistat kryesore të vrasjes dyshohet se ka të bëjë me të shkuarën e Bozhanes në Itali, ku ka qenë i dënuar. Mirëpo është zbuluar se ai ka qënë i dënuar dhe në Belgjikë.
I riu dyshohet se është ndekur nga autorët, pasi ata kanë pritur sapo ai ka çuar të fejuarën në shtëpi dhe në kthim i kanë zënë pritë. Burimet bëjnë me dije se trupi i tij është gjetur 1 orë pasi është ekzekutuar.
Beniamin Faslliu Bozhana u vra me armë zjarri në aksin Orikum-Llogara brenda makinës së tij, teksa po kthehej në shtëpi pasi sapo kishte lënë të fejuarën në banesën e saj.
Autorët e atentatit e kanë ndjekur dhe kanë nisur që të qëllojnë drejt makinës së tij, e cila ka marrë dhjetra plumba. Tetë prej tyre kanë kapur 27-vjeçarin në trup duke e lënë të vdekur.
(A.B)/Dosja.al
