Showbiz

“Do të të vijë ferri shumë shpejt”, ‘Princi i Libofshës’ i hakërrehet Egla Harxhit pas ndërprerjes së marrëdhënies treshe: Ka rrëmbyer djalin dhe më ka bërë shantazh! Po hetohet për falsifikim dokumentesh

Ai shton ndër të tjera se Eglës do t’i vijë ferri shumë shpejt dhe se aktualisht ish-Missi është nën hetim për falsifikim dokumentesh.
Featured image of article: “Do të të vijë ferri shumë shpejt”, ‘Princi i Libofshës’ i hakërrehet Egla Harxhit pas ndërprerjes së marrëdhënies treshe: Ka rrëmbyer djalin dhe më ka bërë shantazh! Po hetohet për falsifikim dokumentesh Pirnci i Libofshes dhe Egla Harxhi
Përditësuar:

TIRANË– Aleksander de Basseville, i njohur për të gjithë shqiptarët si Princi i Libofshës ka folur së fundmi pas deklaratave të ish-partneres së tij në lidhje me përfundimin e marrëdhënies treshe. Në një intervistë për PanoramaPlus, Aleksandri është shprehur se ish-Miss Albania për viitn 2017 i ka bërë shantazh dhe presion duke i rrëmbyer edhe djalin e tyre, Luxifer.

Ai shton ndër të tjera se Eglës do t’i vijë ferri shumë shpejt dhe se aktualisht ish-Missi është nën hetim për falsifikim dokumentesh.

Intervista e plotë

Të kemi parë duke punuar me ekipin tënd nga Singapori në Los Angeles. Vazhdon të jetë ‘Principata e Libofshës’ një prioritet i yti, apo hoqe dorë nga Shqipëria dhe shqiptarët? 

Patjetër që plani im në Ballkan për Libofshën duket qartë një prioritet që rrjedh nga gjaku im i Europës së Lindjes, evidentuar shpeshherë në media dhe takimet që kam pasur, duke qenë se mamaja ime ka qenë kontesha e fundit e Zagrebit dhe princesha Eittelsbach. Tani jam përballë një fakti, pasi i propozova qeverisë Rama një sistem financiar bazuar në një “free zone” investimesh, një bankë investimesh dhe deri në krijimin e një principate në emër të Heroit tonë Kombëtar.

U pranua propozimi yt, apo je në pritje? 

Në fakt, qeveria jonë është impostuese dhe Rama që unë e kam denoncuar për ndryshim emri në fillimet e viteve 2000, i arrestuar për kontrabandë ikonash në Paris dhe Maltë, e refuzoi planin tim dhe duelin me të në sheshin “Skënderbej”. Dua të them që, këmbëngul në misionin tim jo vetëm se pasardhësit e mi ishin pjesë e luftës në Sarajevë dhe se familja ime ka drejtuar për më shumë se 1000 vite këtë tokë të bekuar, por për një arsye të thjeshtë, që ky është vullneti dhe fati im. I martuar me popullin tim, një shprehje që e përdor shpesh, unë isha prezent në pjesëmarrjen time në protestat e Tiranës. Më bëri përshtypje mënyra sesi njerëzit më takonin dhe deri në përkëdheljen e flokëve nga gjyshet shqiptare. Ishte impresionuese të përjetoja se si njerëzit ishin të ndryshëm përpara meje, me ata që komentojnë në mediat sociale.

Duket sikur ke marrë frenat e opozitarit kundër politikanëve, apo jo? 

Në fakt, si ushtarak unë shpreh gatishmërinë time për të luftuar me politikanët “civilë”, që janë mediokër dhe të pazotë për të drejtuar vendet e tyre. Dhe nuk do lejoj më ta bastardojmë në konceptin e një vajze të painformuar, e cila s’ka as idenë më të vogël se çfarë unë jam duke punuar dhe angazhimet e mia deri në menaxhimin e famës sime përpara se të njihja një vajzë, që ta bëja të besonte se ajo është dikushi, si në filmat e “Walt Disney”.

E ke fjalën për ish-partneren tuaj, Egla Harxhin? 

Po, dua të theksoj se unë s’kam më punë me të dhe i kam ndërprerë marrëdhëniet pas shantazheve që ajo më bënte. Ajo ka rëmbyer djalin tonë dhe nuk më lë ta takoj. Dua të theksoj që ajo po përdor fëmijën tonë pa asnjë autorizim, për t’u bërë e famshme. Si njerëzit mund ta besojnë këtë familje, të cilët janë nën investigim për falsifikim dokumentesh në Bashkinë e Tiranës?

Për më shumë bëhu pjesë e grupit më viral në Facebook, Dosja.al

Gjithmonë jeni komentuar si trashëgimtari i një familjeje mbretërore, ka pasur komente mosbesuese dhe cila është e ardhmja jote dhe djalit tuaj? 

Unë dhe djali im jemi trashëgimtarët e fundit të një linje biologjike, të cilën pa mendimin e tyre janë një fakt, që shoqërohet me një peshë të madhe mbi shpatulla. Si autori i disa projekteve të realizuara në jetën time dhe një network global, bazohem në kontratat globale në mënyrën e të menaxhuarit dhe nëse njerëzit nuk janë dakord, është thjesht problemi i tyre se çfarë mendojnë. Jam këtu për të sjellë harmoninë te njerëzit e mi, që duan të jetojnë në paqe dhe jo me mashtrimet e rrjeteve sociale dhe jetës së tyre. E vërteta ndonjëherë nuk është e bukur, por është mënyra për t’u përballur me realitetin. Njerëz të rëndësishëm nga Kina më shprehën para disa javësh diçka të rëndësishme që kuptova: “Ne kemi një dinasti royale në Kinë, por asnjë trashëgimtar akoma gjallë, ju në Europë jeni ju edhe pas më shumë se 1500 vitesh, ju jeni trashëgimtari i fundit i linjës se pastër mbretërore mbi tokë. Është e vërtetë, jam këtu siç thotë profecia e Nostradamusit: Një princ nga Veriu do të vijë në Europën Lindore dhe Perëndimore e më tej… Jam me bindjen e plotë se pas gjithë këtyre luftërave dhe problemeve do të vij unë, bashkë me njerëzit që besojnë në traditat, identitetin dhe kulturën e kontinentit më të vjetër në botë, Europës.

Para disa javësh u mësua lajmi se humbët babanë tuaj. Si e përjetuat? 

Humbja e babait para disa javësh dhe letra e mamasë sime, që nuk mund ta lexoja. M’u desh kohë deri sa të perceptoja disa vende historike të familjes sime, që u transformuan nga konspiracioni i disa grupeve kundër tij dhe familjes mbretërore për të përfunduar me faktin se ata janë të gjithë midis tradhtarëve, gënjeshtrave, vjelljeve dhe frikës se ai është akoma gjallë. U drejtohem këtyre njerëzve budallenj, që janë duke gënjyer dhe flasin nëpër studio televizive që janë të famshëm, kur ajo që i rrëfen këto, siç e thashë më sipër, ka rrëmbyer djalin tim dhe nuk më lë ta takoj. E si mundet ajo të flasë në emrin tim dhe çfarë unë jam duke punuar në Ballkan? Kush është ajo? Nuk mund të përdorësh televizionin dhe shtypin për të iluminuar veten tënde, në të kundërt ferri do të vijë dhe më fort se e ke menduar. Ky është kodi i vëllazërisë.

Ndërkaq, jeni duke punuar me një kompani të certifikuar nga shteti francez. Ç’është ky angazhim?

Po. Kompania e quajtur “Tamaris”, mbrojtje dhe siguri (fotot) me të gjitha licencat e furnimit ushtarak, nga pajisjet mjekësore deri tek armët më të mëdha në tokë. Do të thotë zyrtarisht, gjithmonë kam qenë në marrëveshjet e këtij biznesi me administratën amerikane.Pas investigimit që bënë, përgjigjja është po dhe jo, por gjithmonë ana e errët në angazhimet e mia në New York është sekrete për pjesën më të madhe të aktivitetit tim, sidomos kur njerëzit flasin për background-in tim ushtarak. Me “Tamaris” jam duke vendosur qartë mbi tavolinë faktin e rolit tim në këtë botë dhe vlerën e mundësive të network-ut global.

Në Los Angeles komentohesh si një aktor i vërtetë në këtë botë, pasi njihesh si princ, luftëtar, financier i “Hedge funds”, entertainment e gjithçka tjetër…Si qëndron e vërteta? 

Një gazetar amerikan, që ka shumë respekt për mua në të njëjtën kohë, thotë: “Unë nuk jam i frikësuar nga Trump, por nga ju nëse merrni pushtetin. E di që flasin për mua duke më cilësuar luftëtar të rrezikshëm, kalkulues, mendje kompjuterike, mendje luftarake me memorie të jashtëzakonshme, por me pamundësinë për të pasur një jetë normale. Angazhimi në vëllazëri për mua është një familje, së cilës i kam dhënë gjakun gjatë një ceremonie kur isha shumë, shumë i ri, kur një shkrimtar i madh nuk më ndiqte dot sepse për mua “Omerta” (Ligji që të mos nxjerrësh kurrë sekretet) është motoja ime e vetme.

Vetë Egla, e ftuar në “Pop Culture” dhe në emisionin “Rudina” rrëfeu se marrëdhënia treshe mes saj, Aleksander de Basseville dhe modeles Alessia kishte marrë fund pas largimit të kësaj të fundit. Ajo u shpreh se nuk ka një partner të ri në krah dhe në rrugën që është nisur nuk do të ketë një partner. Ajo shtoi gjithashtu së në të vërtetë nuk i pëlqen aspak seksi dhe se imazhi që transmetohet në televizione është i gabuar.

(f.m/dosja.al)

Shto Koment