Politike

Përplasja Rama-Meta/ Kryeministri: S’hedh fall por nga ai pres gjithçka! Ku e ka popullin, në Whatsapp? Reagon Presidenca: ‘Gruaja e Bilalit’ do të takohet shumë shpejt me sovranin

Rama tha se nuk i ka ndjekur zhvillimet e fundit politike por shtoi se nga kreu i shtetit Meta pret gjithçka, por gjithashtu zgjodhi të mos e komentojë temën e shkarkimit të tij. Zëdhënësi i presidentit Meta, Tedi Blushi në emër të Ilir Metës paralajmëroi Ramën se do të përballej shumë shpejt me popullin.
Featured image of article: Përplasja Rama-Meta/ Kryeministri: S’hedh fall por nga ai pres gjithçka! Ku e ka popullin, në Whatsapp? Reagon Presidenca: ‘Gruaja e Bilalit’ do të takohet shumë shpejt me sovranin Edi Rama dhe Ilir Meta

TIRANË– Kryeministri Edi Rama, i ftuar në emisionin “Real Story” ka folur për përplasjet që maxhoranca ka pasur me presidentin Ilir Meta, i cili së fundmi ka paralajmëruar edhe një shpërndarje të Kuvensit.

Rama tha se nuk i ka ndjekur zhvillimet e fundit politike por shtoi se nga kreu i shtetit Meta pret gjithçka, por gjithashtu zgjodhi të mos e komentojë temën e shkarkimit të tij.

“Sinqerisht nuk kam asnjë të dhënë nga klima politike në Shqipëri, në këtë Shqipërinë e 1 km katror nga Presidenca te SHQUP. Nuk kam të dhëna të veçanta, por nuk kam asnjë çudi, janë situata ciklike që shfaqen hera-herës. Thjesht ndryshon teksti i këngës, por muzika është po ajo”, tha Rama.

Ndërsa menjëherë pas fjalës së Ramën, ndërhyri analisti Alfred Lela, i cili e pyeti edhe lidhur me deklaratat e fundit të kreu të shtetit.

BISEDA NË STUDIO:

Lela: Do e shkarkoni Presidentin apo do iu shkarkojë ai juve?

Rama: Kundërsulm është term sportiv, ushtarak.

Lela: Presidenti ka thënë se Parlamenti do vetëshpërndahet?

Rama: Fallxhorët i ka Presidenti, unë nuk hedh fall. Nuk kam asnjë surprizë, nga Presidenti pres gjithçka, nuk çuditem fare. Edhe sikur të deklarojë mbylljen e gjithë kufijve.

Për më shumë bëhu pjesë e grupit më viral në Facebook, Dosja.al

Gjekmarkaj: Është më i miri…

Rama: Më i miri i mundshëm për opozitën, më i miri për atë moment por për Shqipërinë jo fatkeqësisht.

Balla: Parlamentin e shpërndan populli, thotë Meta..

Rama: Ku e ka popullin ky, në Whatsapp? Tani të lutem, është shumë më i rëndësishëm Zaho dhe ditëlindja e vajzës, sesa kjo temë.

I menjëhershëm ka qënë reagimi edhe nga pala tjetër. Zëdhënësi i presidentit Meta, Tedi Blushi ka reaguar me anë të një statusi në Facebook. Duke iu referuar, kreut të qeverisë si “gruaja e Bilalit”, Blushi në emër të Metës paralajmëroi Ramën se do të përballej shumë shpejt me popullin.

“Gruaja e Bilalit do takohet shumë shpejt me popullin!,”-shkruan Blushi pa sqaruar se për çfarë e ka fjalën.

POSTIMI I PLOTË:

(k.m/dosja.al)

Shto Koment