Politike

Ylli Rakipi ‘kapet’ me Bashën: I paaftë, vete zihet me kujdestaren e konviktit. Paloka: Ça pret, të marrim armët?

Gazetari Ylli Rakipi tha se përballë kësaj situate  opozita nuk mund të bëjë këtë lloj fushatë si ajo e kreut të PD Lulzim Basha, duke hedhur dyshimin që ose opozita është e paaftë ose është e kapur nga kryeministri Rama.
Featured image of article: Ylli Rakipi ‘kapet’ me Bashën: I paaftë, vete zihet me kujdestaren e konviktit. Paloka: Ça pret, të marrim armët? Ylli Rakipi dhe Edi Paloka

TIRANË- Gazetari Ylli Rakipi tha se Rilindja, pas 7 vitesh, rezulton se ka sjellë instalimin e një regjimi, nëpërmjet ekzekutimit të pushtetit personal të Edi Ramës. Në një lidhje me skype për emisionin “Tempora”  në RTV Ora, Rakipi tha se përballë kësaj situate  opozita nuk mund të bëjë këtë lloj fushatë si ajo e kreut të PD Lulzim Basha, duke hedhur dyshimin që ose opozita është e paaftë ose është e kapur nga kryeministri Rama.

Ylli Rakipi: Nëse kryetari i opozitës shkon dhe fillon procesin e fushatës për të pirë kafe me dy hapa, hapi i parë porosit kafen dhe hapi i dytë pi kafe, kur shkon dhe zihet me kujdestaren e konviktit, kur kryetari i opozitës shkon dhe merr shegë në pazar dhe megjithë këto gjëra që ndodhin, opozita shqiptare duket ose është e paaftë ose është e kapur nga Edi Rama.  Përveç gjithë pushteteve që ka marrë Rama, ka marrë 90% të mediave  dhe ndoshta edhe opozitën. Le të dalë opozitë të shpjegojë se çfarë është duke bërë.

Për më shumë bëhu pjesë e grupit më viral në Facebook, Dosja.al

Si përgjigje, nënkryetari i PD, Edi Paloka tha se Rama është njeriu më i urryer, ndaj çështja për largimin e tij nuk i takon vetëm opozitës.

Edi Paloka: Unë e kuptoj iritimin e Yllit, si ai janë edhe 80% e shqiptarëve. Sot Rama është njeriu më i urryer. PO hajde të gjejmë zgjidhjen. Kjo nuk i takon vetëm opozitën. Doni të marrin pushkën të bëjmë luftën?

Marrë nga Ora News

Shto Koment