Rajoni

E zhdukur prej ditësh, gjendet e përdhunuar e mitura shqiptare, 190 personave të tjerë s’u dihet fati

Mediat kosovare shkruajnë se vajza e mitur është përdhunuar dhe kjo gjë është vërtetuar pas analizave mjekoligjore të cilave ajo u është nënshtruar në momentin që është gjetur.
Featured image of article: E zhdukur prej ditësh, gjendet e përdhunuar e mitura shqiptare, 190 personave të tjerë s’u dihet fati Foto Ilustruese

KOSOVË– Një e mitur nga Gjakova është gjetur disa kohë pasi ishte shpallur e zhdukur nga familjarët e saj. E mitura shqiptare është gjetur e dhunuar seksualisht dhe autori i këtij akti ka rënë tashmë në pranga. Këtë gjë e ka bërë të ditur polciia e Kosovës me anë të një njoftimi.

“Në lidhje me rastin  me 01.11.2019  është arrestuar i dyshuari mashkull K/Ashkali nën dyshimin se i njëjti ka kryer marrëdhënie seksuale me viktimën femër K/Rome ( e mitur)  e cila ishte shpallur si person i zhdukur. Me vendim të prokurorit viktima është dërguar për ekzaminim mjekësor ndërsa, i dyshuari pas intervistimit është dërguar në mbajtje”, thuhet në njoftim.

Mediat kosovare shkruajnë se vajza e mitur është përdhunuar dhe kjo gjë është vërtetuar pas analizave mjekoligjore të cilave ajo u është nënshtruar në momentin që është gjetur.

Por e mitura nuk është personi i vetëm që rezulton I zhdukur në Kosovë, pasi çdo ditë shtohen rastet. Deri më tani sipas Policisë së Kosovës, janë 190 persona të cilët janë shpallur të zhdukur nga familjarët e tyre.

I fundit është shpallur i zhdukur edhe një person tjetër nga Vushtrria, ku prej datës 28 tetor, familja nuk di gjë për fatin e tij.

(f.m/dosja.al)

Shto Koment