Aktualitet

E vranë me plumb në zemër! Polici Xhulio Prela s’e nxorri dot armën nga brezi, zbardhet emri i personit të fundit që e pa gjallë. S’ndjenji në Shkodër se e priste e fejuara

Detaje të reja janë mësuar nga vrasja e efektivit të Policisë, Xhulio Prelës. Mësohet se personi i fundit që e ka parë të gjallë Prelën ka qënë Pjetër Gavoçi. Dyshohet se vrasja e 26-vjeçarit ka lidhje me rrahjen e një personi në Lezhë.
Featured image of article: E vranë me plumb në zemër! Polici Xhulio Prela s’e nxorri dot armën nga brezi, zbardhet emri i personit të fundit që e pa gjallë. S’ndjenji në Shkodër se e priste e fejuara Xhulio Prela

LEZHË– Pjetër Gavoçi, nga fshati Kosmaç i Shkodrës, është personi i fundit që ka parë të gjallë Xhulio Prelën, efektivin e Policisë së Shtetit që u vra dy ditë më parë me një plumb në zemër. Burime për Dosja.al bëjnë me dije se Gavoçi është kunati i djalit të tezes së Xhulio Prelës, i cili pasi po kthehej nga Britania e Madhe i kishte kërkuar që të dilte dhe ta priste në orën 01:00 të orëve të para të mëngjesit dhe ta çonte në banesën e tij në Kosmaç për shkak se kishte leje për të qarkulluar, pavarësisht masave të orës policore, e vendosur prej koronavirusit. 

Pasi kishte pranuar që ta merrte ‘mikun’, Xhulio shkoi për të darkuar në banesën e prindërve të tij në Lezhë dhe pasi konsumoi gatimet u largua në drejtim të Rinasit. Pasi e ka dërguar në shtëpi, edhe pse Gavoçi i ka ofruar disa herë që të qëndronte në Shkodër, Xhulio ishte nisur për në Tiranë, pasi kishte lënë vetëm të fejuarën e tij nga Fieri. Gjatë kthimit të tij për në Tiranë, në rrugën Lezhë-Milot, efektivi i policisë ka parë një automjet që kishte dalë nga makina dhe i kishte bërë shenjë me një elektrik dore. Duke menduar se i kërkoi ndihmë, Prela ktheu mbrapsht mjetin e tij, duke iu afruar personit që i bëri shenjë. Në momentin që ka ulur xhamin, ai është qëlluar për vdekje. Sipas Policisë së Shtetit, ka shumë gjasa që Prela ta ketë pasur të njohur agresorin. Edhe pse i armatosur, pistoleta e Prelës nuk është përdorur për asnjë moment, as për vetëmbrotje pasi agresori nuk i ka lënë kohë. Deri më tani mësohet se Prokuroria ka identifikuar 3 të dyshuarit kryesorë të vrasjes por nuk i ka bërë me dije emrat e tyre për arsye hetimore.

Në këtë fazë të hetimit policia dhe prokuroria e Lezhës, ngrenë dyshime të forta se ngjarja nuk ka lidhje me detyrën e Xhulio Prelës, por me një konflikt të disa viteve më parë. Mësohet se Xhulio, është përfshirë në një rrahje fizike të një personi, konflikt i cili tashmë është në lupën e hetuesve të policisë së Lezhës. Por nuk dihet se për çfarë konflikti bëhet fjalë. 

Për më shumë bëhu pjesë e grupit më viral në Facebook, Dosja.al

Gazetari Eltn Qyno, i ftuar nw studion e “Report TV”, tha se hetuesit janë rikthyer në zonë për të analizuar kamerat e bizneseve, por edhe për të kuptuar nëse ka pasur dëshmitarë, duke shoqëruar në Komisariat shumë prej tyre. Në pyetje janë marrë dhe familjarë të 26-vjeçarit. Ndërsa gazetarja Anila Hoxha, bëri me dije 26-vjeçari kishte kërkuar rritje në detyrë dhe teksa ndiqte studimet, paguhej vetëm me 190 mijë lekë të vjetra. Sipas saj, ai kishte kërkuar para borxh, pistë që po hetohet nga prokurori i çështjes.

Sipas familjarëve të tij, i riu ka pasur konflikte për shkak të detyrës, ndërkohë që nuk përjashtohen as pista të tjera. Së fundmi është mësuar se i riu kishte marrë borxh duke hapur një tjetër pistë për të hetuar.

(k.m/dosja.al)

  • 12:41

    ME FOTO: Ky është personi që pa për herë të fundit Xhulio Prelën, i ofroi strehë por efektivi shkoi drejt ‘vdekjes’

    Personi që po shihni në foton e mëposhtme është Pjetër Gavoci, i riu që takoi për herë të fundit efektivin e Forcave të Ndërhyrjes së Shpejtë, Xhulio Prela.

    Pjetër Gavoci

    I riu sapo kishte mbërritur nga Britania e Madhe dhe kishte kërkuar nga 26-vjeçari që ta dërgonte në Shkodër pasi Prela ishte efektiv policie dhe nuk prekej nga masat shtrënguese të vendosura për shkak të pandemisë së koronavirusit.

  • 12:28

    U përfshi në dhunimin e një personi në Lezhë! Del EMRI, kush është personi i fundit që takoi Xhulio Prela, s’pranoi të rrinte në Shkodër se do kthehej tek e fejuara…

    Personi i fundit që takoi Xhulio Prela, efektivi i Forcave të Ndërhyrjes së Shpejtë, ishte Pjetër Gavoçi. 26-vjeçari shkoi në aeroportin e Rinasit për të marrë Gavoçin me të cilin ka edhe marrëdhënie familjarë. Burime për Dosja.al bëjnë me dije se Gavoçi, rezulton të jetë kunati i djalit të tezes së Xhulio Prelës dhe megjithëse i kishte kërkuar që natën ta kalonte në Shkodër tek banesa e tij. Por Xhulio Prela nuk kishte pranuar duke u shprehur se do kthehej në Tiranë për tek e fejuara.

  • 11:13

    Gazetarja Anila Hoxha tregon rrugëtimin e Xhulio Prelës në polici: Paguhej 19 mijë lekë në muaj, para se të vritej kërkoi lekë borxh te të afërmit e tij

    Xhulio Prela dhe Anila Hoxha

    Gazetarja Anila Hoxha ka bërë një shkrim për djalin e ri që u vra në Lezhë dy ditë më parë. Efektivi i policisë, Xhulio Prela sipas Hoxhës u vra në rrethana të paqarta e punonte për vetëm 19 mijë lekë. Ajo bën me dije se i riu pak ditë para se të humbiste jetën kishte kërkuar para boxh te të afërmit e tij. Më pas Hoxha i drejtohet të gjithë policëve që janë grada më të ulëta që të mos qahen pasi rasti i Xhulios tregon se ka dhe më keq.

    Shkrimi i Anila Hoxhës:

    Dy fjale per Xhulion dhe…. per kedo qe dyshon pse nuk arrestohen bosset por vetem kundravajtesit Xhulio Prela , me detyre polic i Forcave te Nderhyrjes se Shpejte u vra ne rrethana ende te paqarta, nga autore ende te pagjetur. Derisa ceshtja te zbardhet kushdo ka te drejte te besoje se Xhulio, 26 vjec, eshte egzekutuar per shkak te detyres. Nje polic qe u perpoq te merrte graden e nenkomisarit, ndaj dhe hyri ne Akademine e Sigurise. Nje polic qe si edhe ata shoket e kursit ne akademi, apo edhe paraardhesit qe shteti kerkon ti shkolloje dhe ti trajnoje me fjalen e fundit te ekspertizes , por qe sakaq ua nderpret rrogen gjate kohes qe ata jane edhe police edhe studente. Nje nenkomisar i tille ne tentative gjate kesaj kohe, qe shkon me nderprerje ne pune paguhet vetem 19 mije leke te reja. Dhe duhet te mbijetoje me 19 mije leke, pasi sic belbezohet per cfare i duhen leket me shume nje polici ne akademi kur edhe pilafin dhe cajin ua paguan shteti”.Vertet per cfare ? Xhulio fjalepakteti e pershkruan shoku i tij ne nje drejtori Qarku.. ..Xhulio i qeti. Por Xhulio ditet e fundit kisht kerkuar borxhe tek te afermit peshperit nje tjeter duke dredhur duhan. Eshte dita e lamtumires se 26 vjecarit qe per gjashte vite e deshi policine, e deshi uniformen, sic e do kushdo qe mendon se nga ajo uniforme nis besimi ne shtet. Ne shtepine perdhese dhe modeste te prinderve ne periferi te Tiranes shoket e tij ne te njejtin rang me te kane ardhur ti thone “Shko ne paqe Xhulio”. Por asnje shef. Asnje nga i rendesishem nuk e kaloi deri mbasdite vone ate prag dere, ate dere polici qe kemi te drejte te besojme qe u vra si polic derisa te zbardhet e kunderta , sic jane pistat qe qarkullojne qe nga vrasja rastesore , vrasje per mos marreveshje borxhi , vrasje se pati nje konflikt kur ishte polic ne Lezhe dhe e percollen polic ne Shkoder. … Sikur konflikti i Lezhes te kish qene aq vdekje prures, se si mund ta shpetosh policin duke e levizur nga Lezha e duke e cuar ne Shkoder ,anipse kalon neper Lezhe , nuk di ta shpjegoj. Xhulio fjalepaketi ishte polic , nga inspektor ai fitoi provimin promovues dhe vazhdoi spiralen e karrieres ne polici, megjithate nderkohe paguhej vetem 19 mije leke te reja. Shteti po e trajnonte dhe per tre vjet ai do kishte kete rriske buke. Vertet , ci duheshin me teper? Pilafin ua jepnin ne Akademi. Andaj ji i lumtur ti polici baze, je mire aty poshte. Ceshtja e meritokracise , e gradave , drejtimi dhe lidershipi ne polici nuk ka gjetur ndonjehere zgjidhje. Vitet e fundit edhe pse ligji eshte si e bardha ne te zeze, miq e stermiq po qerasen fillimisht duke u emeruar ne poste drejtuese ndonëse nuk e meritojnë në përputhje me gradën. Mandej ngjiten e ngjiten me poste dhe grada qe ua fal gjykata. Eshte kthyer ne mode. E si mund ta duash mandej te aftin te drejtin, a atë policin qe ndjek zinxhirin e karrieres per vite e vite! 19 mije leke i dalin e i mjaftojnë !! Kot shkon ne Akademine e Sigurise, kot ndjek programet dhe zbaton pike per pike ligjin per të ardhmen ne polici. Do zvarritesh vazhdimisht mes pilafit dhe gradave qe do te duhen 20 vjet qe ti fitosh dhe pastaj vjen nje tjeter, te fton te heqesh dore nga grada, ose te degdis diku dhe pastaj sipas pozicionit ti ndeshkohesh me ulje ne grade. Ose ndodh keshtu, police qe pasi kalon koha dhe shuhet meria, ata kokeulur i drejtohen gjykates. Por kesaj radhe jo per ta fituar graden se u emeruan shefa dhe sheflleku kombinohet me nje grade qe duhet falur apriori. Por sepse jane ulur ne grade dhe kerkon ti kthehet dinjiteti nga kjo tallje. Po cna duhen te tera keto, kujt i behet vone per biseda gradash dhe shefash? Vertet , pilaf dhe caj ti servir akademia. Nga ketu mandej kerkojme polici efektive, me drejtues te afte, shefa komisariatesh qe nuk kompromentohen dhe as blihen. Mund te behet e besueshme, por jo ketu. Sepse .. Gradat e falura sa andej ketej, promovimi i pamerituar sa andej ketej dhe si te mundemi , sjell nje polici te kapur , te pazonja per te arrestuar dhe mbajtur qendrim te njejte si me ate qe nuk vendos rripin dhe me ate qe eshte influent ne krim. Shko ne paqe Xhulio ! Sic e gjete e le policine. Per te paprekshmit duhen te paprekshem.

  • 11:06

    Ekzekutimi i efektivit të FNSH! Identifikohen 3 autorët e vrasjes së Xhulio Prelës, mbi 30 të shoqëruar, Policia rikthehet në skenën e krimit

    Identifikohen 3 të dyshurit kryesore për vrasjen e efektivit të Forcave të Ndërhyrjes së Shpejtë, Xhulio Prelës. Burime për Dosja.al bëjnë me dije se nga ana e Policisë së Lezhës, janë shoqëruar 30 persona nga zona e Milotit, të cilët akuzohen se mund të kenë pasur dijeni lidhur me ngjarjen. Të njëjtat burime nga Policia bëjnë me dije se disa prej tyre kanë qënë edhe dëshmitarë të ekzekutimit. Megjithatë Policia është shfaqur e rezeruar dhe për arsye hetimi nuk i ka bërë me dije emrat e të dyshuarve kryesorë të ngjarjes, ndërkohë që ekspertët hetimor janë rikthyer sërish në vendin ku u vra Xhulio Prela për të krehur edhe njëherë vendin ku ndodhi ngjarja e rëndë.

     

Shto Koment