Bota

“E vështirë që njerëzit të bëhen bashkë për të luftuar Covid-19”, Kreu i OBSH: Vendet e prekura të zbatojnë masa agresive kundër virusit

Shefi i OBSH-së u bëri thirrje vendeve të adoptojnë një qasje agresive, duke theksuar gjendjen e rënduar  në  Itali, Spanjë, Kore e Jugut dhe Indi, për të treguar se ishte e mundur të ndalohej përhapja, pavarësisht se sa e keqe është shpërthimi.
Featured image of article: “E vështirë që njerëzit të bëhen bashkë për të luftuar Covid-19”, Kreu i OBSH: Vendet e prekura të zbatojnë masa agresive kundër virusit Drejtori i Përgjithshëm i OBSH, Tedros Adhanom Ghebreyesus

GJENEVË– Drejtori i Përgjithshëm i Organizatës Botërore të Shëndetit, Tedros Adhanom Ghebreyesus, ditën e sotme ka bërë thirrje për unitet ndërkombëtar në luftën  për pandeminë shkatërruese, në një kohë që presidenti amerikan Donald Trump ka nisur zyrtarisht tërheqjen për bashkëpunimin me organizatën.

Sipas mediave të huaja, Tedros u shpreh se armiku i vërtetë nuk ishte vetë virusi por “mungesa e udhëheqjes dhe solidaritetit në nivel global dhe në nivel kombëtar”.

Sa e vështirë është për njerëzit që të bashkohen për të luftuar një armik të përbashkët që po vret njerëz pa dallim? A nuk mund ta kuptojmë se ndarjet ose çarjet midis nesh në të vërtetë janë në dobi të virusit?”– pyeti në një konferencë në Gjenevë kreu i OBSH.

Më tej Tedros u shpreh se në pjesën më të madhe të botës, virusi nuk është nën kontroll, prandaj për këtë shkak po përkeqësohet akoma më shumë. Tedros theksoi se sistemet shëndetësore të disa prej vendeve më të pasura në botë janë përmirësuar, ndërsa disa kombe me mjete më modeste kanë pasur sukses në ngadalësimin e përhapjes së virusit.

“Kjo pandemi një herë në një shekull na ka dhënë një mësim kritik. Kur bëhet fjalë për shëndetin, fatet tona janë gërshetuar.”- u shpreh ai.

Për më shumë bëhu pjesë e grupit më viral në Facebook, Dosja.al

Ndërsa të mërkurën që lamë pas,  Trump nisi procesin e tërheqjes së Shteteve të Bashkuara , donatori më i madh i OBSH. Kjo masë është vendosur të hyjë në fuqi brenda një viti.

Shefi i OBSH-së u bëri thirrje vendeve të adoptojnë një qasje agresive, duke theksuar gjendjen e rënduar  në  Itali, Spanjë, Kore e Jugut dhe Indi, për të treguar se ishte e mundur të ndalohej përhapja, pavarësisht se sa e keqe është shpërthimi.

Burimi: hindustantimes

A.C/Dosja.al

Shto Koment