Aktualitet

E tmerrshme! Të burgosurit që punonin në minierën e Bulqizës kanë mbetur nën stogje/ Losha: Trupat nuk u jepeshin familjarëve

VIDEO
Haxhi Losha i cili ka punuar që prej vitit 1956 në minierën e Bulqizës na tregon se ku ishin kampet e të burgosurve, ku nga 15 godina, sot ka mbetur vetëm 1.
Featured image of article: E tmerrshme! Të burgosurit që punonin në minierën e Bulqizës kanë mbetur nën stogje/ Losha: Trupat nuk u jepeshin familjarëve Pamje nga Bulqiza

BULQIZË-Në minierën e Bulqizës gjatë regjimit të kaluar para viteve 90-të kanë punuar edhe të dënuar për vepra të ndryshme penale. Ata vuanin dënimin duke punuar në galeritë e kromit, ku dhe shumë prej tyre kanë humbur jetën. Haxhi Losha i cili ka punuar që prej vitit 1956 në minierën e Bulqizës na tregon se ku ishin kampet e të burgosurve, ku nga 15 godina, sot ka mbetur vetëm 1.

Haxhi Losha: Këtu kanë qenë 15 pallate, që rrinin të burgosurit, tani ka mbetur vetëm 1 , sepse i ka mbuluar stogu.

Nga ana tjetër Haxhiu tregon se shumë të burgosur kanë humbur jetën në galeri, por trupat e tyre nuk ju jepeshin familjarëve pasi ata ende nuk e kishin përfunduar dënimin. Sipas tij, ata burgoseshin në hapsirat rreth ndërtesave ku qëndronin të dënuarit pasi dilnin nga minjera. Por sot ky vend që sipas tij ndodhen disa eshtra njerëzish është mbuluar nga stogu i kromit që prodhohet nga miniera e Bulqizës.

Për më shumë bëhu pjesë e grupit më viral në Facebook, Dosja.al

Haxhi Losha: Këtu kanë qenë varresat e të burgosurve, të burgosurit kanë vdekur në minierë dhe disa të tjerë për arsye shëndetësore. Të burgosurit nuk u jepeshin familjarëve pa mbaruar dënimin. Varresat e tyre sot  kanë humbur për shkak se i ka mbuluar stogu.

Shumë persona që kanë humbur familjarët e tyre që vuanin dënimin duke punuar në minierën e Bulqizës, kanë kërkuar vazhdimisht të gjejnë eshtrat e familjarëve të tyre, por tashmë është bërë e vështirë pasi stogu i kromit rritet çdo ditë e më shumë.

(A.K.Dosja.al)

Shto Koment