Aktualitet

Hidhet nga ballkoni portieri i Partizanit, policia: Teqja vuante nga depresioni. Partizani: Ra aksidentalisht

  • Partizanit: Ishte aksident, është jashtë rrezikut
  • Burime nga policia bëjnë me dije se Teqja po kalonte një periudhë të vështirë dhe në kushtë të rënda psikologjike është vetëhedhur nga ballkoni.
    Featured image of article: Hidhet nga ballkoni portieri i Partizanit, policia: Teqja vuante nga depresioni. Partizani: Ra aksidentalisht Aldo Teqja

    TIRANË– Portieri i Partizanit Aldo Teqja është vetëhedhur nga kati i gjashtë i pallatit ku banonte. Dosja.al mëson se ngjarja ka ndodhur në rrugën “Medar Shtylla” në kryeqytet, në lagjen ku banonte futbollisti.

    Teqja marrë plagë të shumta në trup por është dërguar menjëherë në spital. Aktualisht ai ndodhet i shtruar në Spitalin e Traumës, jashtë rrezikut për jetën.

    Burime nga policia bënë me dije se Teqja po kalonte një periudhë të vështirë dhe në kushte të rënda psikologjike është vetëhedhur nga ballkoni.

    Për më shumë bëhu pjesë e grupit më viral në Facebook, Dosja.al

    Po këtë gjë e ka mohuar klubi i Partizanit. Sipas të kuqve, Teqja ka rënë askidentalisht dhe tashmë ndodhet jashtë rrezikut për jetën.

    Ende nuk dihet si qëndron ngjarja, pasi as futbollisti dhe as familjarët e tij nuk kanë dhënë një sqarim.

    (f.m/dosja.al)

    • 22:56

      FSHF-ja: Jemi pranë familjes, forca kampion

      ederata Shqiptare e Futbollit ka reaguar pas lajmit se portieri i Partizanit Aldo Teqja është hedhur nga kati i gjashtë i pallatit ku banonte. 

      Në një status në rrjetet sociale, FSHF-ja shpreh gatishmërinë për të ndihmuar në rikuperimin e shpejtë të Aldos.

      Në rreshta, FSHF-ja e quan Teqen kampion dhe i jep kurajo familjes që të përballojë ngjarjen e rëndë. 

      Reagimi i FSHF-së

      Federata Shqiptare e Futbollit dëshiron të njoftojë opinionin publik se po monitoron me shumë kujdes situatën e portierit Aldo Teqja, i cili ka pësuar mbrëmjen e sotme një aksident.

      Pas komunikimit me mjekët, familjarët dhe drejtuesit e Klubit Partizanit, duhet t’ju bëjmë më dije se gjëndja ish-portierit të përfaqësueses U-21 është jashtë rrezikut për jetën dhe në monitorim të vazhdueshdueshëm nga mjekët.

      Jemi pranë familjes në këtë moment të vështirë dhe dëshirojmë të shprehim gatishmërinë tonë si institucion për të ndihmuar rikuperimin e shpejtë të Aldos.
      Forca Aldo 💪
      Forca kampion 🔴⚫️

    • 22:41

      Policia: Teqja vuante nga depresioni

      Policia ka dhënë sqarime në lidhje me rastin ku portieri i Partizanit u vetëhodh nga ballkoni. Burimet zyrtare shkrujnë se Aldo Teqja ishte në depresion.

      Njoftimi i policisë Tiranë

      Rreth orës 19:40 në rrugën “Medar Shtylla”, dyshohet se në kushte të rënduara psikologjike, është vetëhedhur nga kati i 6-të i banesës shtetasi A. T.,24 vjeç,i cili u dërgua në spital për ndihmë të specializuar mjeksore.

      Grupi hetimor po vijon punën për sqarimin e rrethanave të ngjarjes.

    • 22:41

      Klubi i Partizanit reagon pas hedhjes së portierit nga kati i gjashtë: Ishte aksident, është jashtë rrezikut

      Klubi i Partizanit ka reaguar pasi portieri i ekipit Aldo Teqja është vetëhedhur nga ballkoni i apartamentit ku banonte.

      Në një reagim në rrjetet sociale, Partizani shkruan se Teqja ndodhet në Spitalin e Traumës jashtë rrezikut për jetën.

      Më tej , ekipi sqaron se e gjithë ngjarja ka qenë një aksident.

      “NJOFTIM

      Klubi njofton se pjestari i ekipit Aldo Teqja siç edhe është raportuar në media ka pësuar një aksident menjëherë pas përfundimit të takimit Partizani – Teuta. Aktualisht portieri Teqja gjendet i shtruar në spitalin e Traumës në Tiranë nën mbikqyrjen e mjekëve, fatmirësisht jasht rrezikut për jetën. Mjekët e spitalit janë duke monitoruar gjendjen e Lojtarit. Prezent në ambientet jashtë spitalit janë shokët e skuadrës, stafi dhe drejtues të Klubit,”- shkruhet në status.

    Shto Koment