Politike

E thërret Vasal Kimiku, ministri Sandër Lleshaj ‘pagëzon’ Berishën: Kam vendosur ta quaj Haxhi Mileti

Ministri i Brendshëm, Sandër Lleshaj është shprehur se kishte vendosur që ish-kryeministrin të mos e thërriste në emër por t’i vendoste një pseudonim ashtu siç edhe ai vetë bën. Lleshaj ka vendosur që Berishën ta quajë Haxhi Mileti.

TIRANË- Ministri i Brendshëm, Sandër Lleshaj i ka kthyer përgjigjie nga foltorja e Kuvendit ish-kryeministrit Sali Berisha.

Fillimisht Lleshaj është shprehur se kishte vendosur që ish-kryeministrin të mos e thërriste në emër por t’i vendoste një pseudonim ashtu siç edhe ai vetë bën duke e quajtuar Haxhi Mileti.

Më pas, Lleshaj falenderoi popullin dhe partnerët ndërkombëtarë për besimin që kishin shpehur për zbardhjen e çështjes së Rinasit.

Për më shumë bëhu pjesë e grupit më viral në Facebook, Dosja.al

“Policia ka arritur të zbardhi me dëshmi dhe me prova materiale një vepër që ka tronditur opinionin publik. Edhe në këto kushte, Haxhi Mileti, ai të gjithëve u vendos një emër tjetër, edhe unë kam vendosur ta quaj një emër tjetër, hedh baltë mbi policinë. Nuk është sulm verbal por përpjekje për të intimiduar efektivët. Përkundër sulmeve edhe në ditët kur Policia performon në mënyrë dinjitoze, falenderoj qytetarët shqiptarë për mbështetjen. SHBA na cilësoi si më të mirët në kontinent përkundër baltës së hedhur nga opozita,”-tha Lleshaj.

Ish-kryeministri Sali Berisha në të gjitha adresimet e tij në rrjetet sociale, i drejtohet ministrit të Brendshëm Sandër Lleshaj si Vasal Kimiku për shkak të përdorimit të gazit lotsjellës në protestat e opozitës. Teksa komentonte grabitjen e Rinasit, ish-kryeministri tha se personat e arrestuar nuk kishin lidhje me grabitjen por ishin bërë “koka turku.”

(k.m/dosja.al)

Shto Koment