Bota

“E gjeta mes rrënojave, i rridhte gjak nga koka”, Rrëfimi prekës i të mbijetuarës në Liban: S’më interesonin dhimbjet, e rëndësishme ishte të shpëtoja burrin

Chadia ka treguar çastet e vështira që kishte përjetuar, ndërsa shprehet se kishte vrapuar mes xhamave të thyer për të shpëtuar të shoqin, Anthony, i cili kishte mbetur i izoluar nën rrënoja.
Featured image of article: “E gjeta mes rrënojave, i rridhte gjak nga koka”, Rrëfimi prekës i të mbijetuarës në Liban: S’më interesonin dhimbjet, e rëndësishme ishte të shpëtoja burrin Chadia Elmeouchi-Noum

LIBAN– Libani ka përjetuar situatën më të  vështirë me shpërthimin e fuqishëm të ditës së djeshme në Bejrut.

Ndërkohë autoritetet vendase këtë të mërkurë e kanë shpallur ditë zie kombëtare, për shkak të numrit të madh të viktimave dhe të të lënduarëve.

Deri më tani janë raportuar të vdekur të paktën 100 njerëz dhe janë plagosur mbi 4.000 të tjerë.

Ndërkohë një grua që ka arritur t’i mbijetojë këtij shpërthimi masiv ka treguar sesi e ka përjetuar atë moment të vështirë.

Ajo është identifikuar si Chadia Elmeouchi-Noum, e cila ka treguar për mediat të gjithë tmerrin që ka përjetuar.

Chadia ka treguar çastet e vështira që kishte përjetuar, ndërsa shprehet se kishte vrapuar mes xhamave të thyer për të shpëtuar të shoqin, Anthony, i cili kishte mbetur i izoluar nën rrënoja.

Për më shumë bëhu pjesë e grupit më viral në Facebook, Dosja.al

“Kishte xhama kudo, por nuk më interesonin dhimbjet e shkaktuara, për mua e rëndësishme ishte të shpëtoja burrin. E gjeta mes rrënojave. Ai nuk reagonte, kishte gjak kudo. Burri kishte një pjesë të dritares mbi kokë dhe një pjesë të murit mbi kokë. I rridhte gjak nga koka. Unë u përpoqa që të ndaloja gjakderdhjen, por ishte e kotë. Kërkova ndihmë, por askush nuk arriti të më dëgjonte.”- është shprehurh Chadia për BBC.

Më tej ajo ka thënë se një i huaj i ofroi ndihmë dhe me makinën e tij e dërgoi bashkëshortin e saj për në spital.

“Rrugët ishin të shkreta. Kishte njerëz kudo. Ne e dërguam në spital Anthonyn dhe disa minuta më vonë ata e futën në dhomën e urgjencës e nuk na lejuan që të futeshim brenda. Ata u përpoqën që të largohesha, por unë u fsheha në një dollap. Nuk doja të shkoja, doja të sigurohesha që ai ishte mirë. Tani është operuar në tru dhe jam duke pritur jashtë dhomës ku është.”- përfundoi Chadia.

Burimi: BBC

A.C/Dosja.al

Shto Koment