Aktualitet

Policia jep detaje nga grabitja në Rinas: Autorët shkëmbyen zjarr me policinë, njëri u vra (DINAMIKA)

Autorët me maska dhe armë kanë thyer derën e rrethimit dhe kanë grabitur një sasi parash në pistën e avionit.
Featured image of article: Policia jep detaje nga grabitja në Rinas: Autorët shkëmbyen zjarr me policinë, njëri u vra (DINAMIKA) Foto ilustruese

TIRANË– Policia e Shtetit ka dhënë detajet e para nga grabitja spektakolare që ka ndodhur sot në aeroportin e Rinasit. Autorët me maska dhe armë kanë thyer derën e rrethimit dhe kanë grabitur një sasi parash në pistën e avionit. Gjatë ndjekjes, njëri nga grabitësit është vrarë.

Njoftimi i plotë:
Informacion paraprak
Pak minuta më parë, pranë aeroportit ndërkombëtar “Nënë Tereza”, në Rinas, dyshohet se disa persona ende të paidentifikuar, me maska dhe armë pasi kanë thyer derën e rrethimit që përdoret nga shërbimet zjarrfikëse, kanë grabitur një sasi lekësh në pistën e avionit dhe janë larguar.
Në ndjekje të tyre janë vënë forcat e FNSH dhe ato të Policisë Kufitare të Rinasit.
Gjatë ndjekjes në një rrugë dytësore, autorët kanë shkëmbyer zjarr me Policinë, e gjatë këtij shkëmbimi ka humbur jetën njëri prej autorëve të grabitjes. Policia ka gjetur ndërkohë dhe bllokuar një mjet fugon.
Forca speciale policore si RENEA e FNSH, të ndihmuara nga një helikopter janë ende në ndjekje të autorëve të grabitjes.
Të angazhuara në operacionin e gjerë janë edhe forca nga Policia e Tiranës, Lezhës, Dibrës e Durrësit.

Për më shumë bëhu pjesë e grupit më viral në Facebook, Dosja.al

(F.g/Dosja.al)

Shto Koment