Politike

“E di Ralfi si i blinte votat LSI-ja”/ Rama përplaset me Gjonin, deputeti: As kam marrë dhe as kam dhënë lekë, ju na mbyllët dhe qarkun

Rama tha se LSI-ja në kohën e saj jepte e merrte transaksione për vota, duke nënkuptuar këtu blerjen e tyre. Këtyre fjalëve, iu përgjigj vetë Ralf Gjoni, i cili tha se ka parë se si vishet vota, por që vetë as nuk ka dhënë e as nuk ka marrë lekë për to.
Featured image of article: “E di Ralfi si i blinte votat LSI-ja”/ Rama përplaset me Gjonin, deputeti: As kam marrë dhe as kam dhënë lekë, ju na mbyllët dhe qarkun Edi Rama dhe Ralf Gjoni

TIRANË– Kryeministri Edi Rama dhe deputeti Ralf Gjoni kanë replikuar me njëri-tjetrin, nga foltorja e Kuvendit të Shqipërisë. Ishte i pari, Rama ai që tha se LSI-ja në kohën e saj jepte e merrte transaksione për vota, duke nënkuptuar këtu blerjen e tyre.

Këtyre fjalëve, iu përgjigj vetë Ralf Gjoni, i cili tha se ka parë se si vishet vota, por që vetë as nuk ka dhënë e as nuk ka marrë lekë për to. Gjoni përmendi edhe ndryshimet në Kodin Zgjedhor, teska tha se në këtë mënyrë, kryeministri u ka mbyllur qarkun për të mos dalë me një listë.

Replikat:

Edi Rama: Nëse fiton Luli, e di që ka Metën dhe Monikën paketë. Në ato fushatat në kohën e Ralfit. Bashkë jemi ne po leje, merr këtej, merr andej dhe në fund kape qeverinë nga këmbët. Dhe në fund LSI-ja ka qetësinë, ndërsa dashuria është transaksion, sa këtej, sa andej.

Për më shumë bëhu pjesë e grupit më viral në Facebook, Dosja.al

Ralf Gjoni: Më përmendët emrin, e dini shumë mirë që nuk kam mashtruar në fushata, nuk kam dhënë dhe as kam marrë lekë. Kam parë si vidhet vota. Në korrik na dhe fjalën se ndryshimet kushtetuese do të reflektoheshin në Kodin Zgjedhor. Listat janë të mbyllura, e keni bërë të pamundur që të dalin me një listë. E keni bërë të pamundur, e keni mbyllur qarkun. Ne na detyroheni moralisht minimumi një korrektësi profesionale për të pasqyruar atë që ramë dakord.

Edi Rama: Nuk i thashë unë ato që the ti. Nuk t’i thashë unë ato. Të mirëkuptoj por mos më thuaj se nuk di gjë. Sa i përket partive të reja, sa po krijohen këto kohë, unë nuk kam parë ndonjëherë. Sistemi është i hapur për të gjithë, por për ata që marrin vota. Jo për ata që hipin tek treni i gjatë. Ai që flet për votues, por të organizojë një dasëm ka më shumë dasmorë sesa votues. Nëse je kaq i fortë, dil i pavarur. Nëse futesh me parti merr nga partia dhe skuadra merr një pjesë të vlerës. Në këtë kuptim, kjo është fare e qartë. Të jesh i sigurtë të 25 prilli do të tregojë, që kandidatët do ta thyejnë renditjen. Flas për realë, jo për kandidatët e mallrave.

Sot, Kuvendi i Shqipërisë nuk e ka pritur opinionin e Komisionit të Venecias. Socialistët por edhe opozita parlamentare me një shumicë prej 96 votash, kanë rrëzur dekretin e presidentit Ilir Meta, për ndryshimet në Kodin Zgjedhor. Kryeministri vazhdoi në të njëjtën linjë duke thënë se Venecia është e mirëpritur, por shtoi se zgjedhjet nuk presin dot “këshilla”.

(k.m;f.m/dosja.al)

Shto Koment