Politike

Ligji i pronave, Vangjel Dule akuza Ramës: Kërkon të tjetërsojë tokat në bregdet në interes të oligarkëve

Dule thotë se Rama i hap rrugën përmbushjes së objektivit të tij strategjik për tjetërsimin e statusit pronësor, kryesisht në bregdet, por edhe në të gjithë vendin.
Featured image of article: Ligji i pronave, Vangjel Dule akuza Ramës: Kërkon të tjetërsojë tokat në bregdet në interes të oligarkëve Vangjel Dule, kreu i PBDNJ

TIRANË- Kreu i Partisë Bashkimi për të Drejtat e Njeriut, Vangjel Dule ka dalë sot në një deklaratë për mediat, ku ka denocnuar një vendim të qeverisë së Edi Ramës. Në deklaratë për mediat Dule tha se pas takimeve ka konstratuar se qeveria, në shkelje të hapur të çdo parimi transparence, po përgatitet të kalojë në procedurë parlamentare projektligjin për pronat. Më tej në fjalën e tij, Dule thotë se Rama i hap rrugën përmbushjes së objektivit të tij strategjik për tjetërsimin e statusit pronësor, kryesisht në bregdet, por edhe në të gjithë vendin.

DEKLARATA E PLOTË

Partia Bashkimi për të Drejtat e Njeriut zhvillon prej kohesh një cikël takimesh me shoqata përfaqësuese dhe grupe interesi me lidhje me kuadrin ligjor për trajtimin e çështjes së pronave në përgjithësi dhe ligjin “Për përfundimin e proceseve kalimtare të pronësisë në Republikën e Shqipërisë” në veçanti.  Konstatojmë me keqardhje se qeveria, në shkelje të hapur të çdo parimi transparence, po përgatitet të kalojë në procedurë parlamentare projektligjin në fjalë,  1: Pa e konsultuar me grupet e interesit dhe pa zhvilluar asnjë debat publik. 2: Duke anashkaluar apo duke marrë parasysh në mënyre selektive rekomandimet e Komisionit të Venecias. 3: Duke vënë para faktit të kryer me dhjetëra mijëra qytetarë dhe komunitete të cilat humbasin përfundimisht pronat e tyre, por edhe të drejtën ligjore të pretendimit të saj.

Për më shumë bëhu pjesë e grupit më viral në Facebook, Dosja.al

Qeveria e Zotit Rama synon që, duke injoruar pushtetin vendor por edhe sistemin e drejtësisë ta shndërrojë trajtimin e pronës në një domein ekskluziv të tij dhe të strukturave drejtpërsëdrejti të varura juridikisht dhe verbërisht, besnike politikisht. Në mënyrë të veçantë, nëpërmjet këtij  ligji, Rama i hap rrugën përmbushjes së objektivit të tij strategjik për tjetërsimin e statusit pronësor, kryesisht në bregdet, por edhe në të gjithë vendin, duke u privuar pronën pronarëve të ligjshëm dhe duke i venë atë në shërbim të interesave të oligarkëve –  klientë të pushtetit të tij personal. Kjo nisme ligjore, në korrelacion me ligjin  për Investitorët Strategjikë, për Korporatën e investimeve dhe VKM për Shpronësimet, përben gurin e varrit për pronën dhe pronësinë e ligjshme. 

(A.B. Dosja.al)

Shto Koment