Dikur

‘Duhet kravatë e xhaketë’ / Fevziu i tërhiqte veshin për etikën, Rama që 20 vite më parë kryeneç për veshjen: Na e bëre si Partia e Punës

Nën tagrin e kryetarit të Bashkisë së Tiranës, Edi Rama ishte ftuar në emisionin “Opinion” të drejtuar nga Blendi Fevziu. Pa nisur mirë intervista, Rama u vu me shpatulla pas murit nga moderatorit për shkak të veshjes që kishet zgjedhur për në emision.
Featured image of article: ‘Duhet kravatë e xhaketë’ / Fevziu i tërhiqte veshin për etikën, Rama që 20 vite më parë kryeneç për veshjen: Na e bëre si Partia e Punës Blendi Fevziu dhe Edi Rama

TIRANË– Gjithmonë ka rënë në sy për stilin e “çuditshëm” të veshjes, unazat e stërmësha, vëthin në vesh dhe me çorapet shumëngjyrëshe. Po! Po flasim për kryeministrin e vendit Edi Rama.

Në rubrikën e sotme të “Dikur” do të kthehemi jo pak pas në kohë, por plot 18 vite më parë më 15 qershor të vitit 2001 disa javë para zgjedhjeve parlamentare.

Nën tagrin e kryetarit të Bashkisë së Tiranës, Edi Rama ishte ftuar në emisionin “Opinion” të drejtuar nga Blendi Fevziu. Pa nisur mirë intervista, Rama u vu me shpatulla pas murit nga moderatorit për shkak të veshjes që kishet zgjedhur për në emision.

Me një këmishë rozë e me xhanetë e pantallona xhins, Rama qëndonte i vendosur e i bindur se nuk kishte bërë asnjë gabim në kombinimin e zgjedhur.  Ndryshe mendonte Fevziu, i cili këmbëngulte se kjo nuk ishte etike dhe se në atë mënyrë kryebashkiaku nuk respektonte as ata që i shikonin përtej ekranit.

 

 

BISEDA NË STUDIO:

FEVZIU: Normalisht që në intervistat tona ka një lloj standarti në veshje dhe ata që vijnë për t’u intervistuar të paktën duhet të jenë të veshur me një xhaketë e një kravatë. Fakti që iu keni veshur ngjyrat e PS-së poshtë këmishës suaj xhins mund t’ju përligji.

Edi RAMA: Nuk besoj se duhet të kërkojmë simbolikën e ngjyrave, se po të jetë se poshtë xhaketës kam ngjyrat e PS, mbi këmishë kam ngjyrat e PD

FEVZIU: Ngjyrat e PD nuk janë kaq të dala boje.

Edi RAMA: Do ta shohim në 24 qershor

FEVZIU: Ajo që doja të thosha unë është që ka një standart veshje në intervista të cilat duhen respektuar si nga i intervistuari dhe nga intervistuesi. Besoj që në radhë të parë është respekt ndaj teleshikuesve.

Edi RAMA: Unë besoj që respekti ndaj teleshikuesve shprehet me aksionin e përditshëm dhe me kontributin e përditshëm me mendimin intelektual dhe politik. Nuk besoj që teleshikuesit kanë gjë kundra nëse unë vij këtu si përfaqësues i klasës punëtore me xhinse dhe jo si përfaqësues i klasës intelektuale. Mos më fol si ata të Komitetit të Rinisë njëherë e njëkohë tani. Hajde!

18 vite më vonë, Edi Rama ëshët kryeministër i Shqipërisë dhe ende nuk ka hequr dorë nga veshje të tilla, larg përfytyrimit që çdokush ka për një politikan. Tanimë Rama i eviton ngjyrat pork a rënë kokë e këmbë në dashuri me markën e rrobave japoneze Yamamoto ose ashtu siç i referohemi shpesh “çitjane”.  Yamamoto-t e tij të dashura Rama i shoqëron gjithmonë me një palë atlete Adidas dhe është gati të shkojë kudo e të takojë çdo personalitet pa droje.

Rama ashtu siç njihet nga të afër të tij është kokë fortë dhe këtë kokëfortësi e tregon tek veshja e tij. Gjithmonë i diskutuar për zgjedhjet e tij dhe i kritikuar nga kundërshtarët politikë dhe publiku, Rama vijon me bindjen e tij se të jesh ndryshe nuk është gabim. Krikikëve Kryeministri u është përgjigjur me një shprehje  të Gandit, por pak të modifikuar: Veshja ime në fillim kundërshtohet, më pas pëlqehet dhe në fund bëhet modë.

Ky është Rama, avangardi në veshje por arkaik në mendime, se nuk i ndryshon ato i qëndron bindjes së krijuar 20 vite më parë se duket interesat me veshje ndryshe nga masa.

(k.m/dosja.al)

Shto Koment