Aktualitet

Kapen me drogë dhe kallashnikovë/ Arestohen 2 vlonjatët, ku e kishin kultivuar lëndën narkotike

Policia ka arrestuar dy personat, H. T, 40 vjeç dhe A. B, 50 vjeç, të cilët akuzohen për kultivim droge dhe armëmbajte pa leje.
Featured image of article: Kapen me drogë dhe kallashnikovë/ Arestohen 2 vlonjatët, ku e kishin kultivuar lëndën narkotike Foto të armëve

VLORË- Policia e Vlorës ka arrestuar 2 persona, H. T, 40 vjeç dhe A. B, 50 vjeç, pasi u janë sekuestruar një sasi droge dhe 2 kallashnikovë. Uniformat blu bëjnë me dije se dy të arrestuarit në fshatin Llakatund kishin kultivuar disa fidandë me kanabis dhe gjatë kontrollit në banesat e tyre u gjetën 2 kallashnikovë.

Njoftimi i Policisë:

Vijon kontrolli masiv i territorit, për parandalimin, evidentimin dhe goditjen e veprimtarisë kriminale në fushën e narkotikëve dhe armëmbajtjes pa leje.

Finalizohet nga Seksioni për Hetimin e Narkotikëve pranë DVP Vlorë dhe Komisariati i Policisë Vlorë, operacioni policor i koduar “Llakatundi”.

Sekuestrohen dy armë zjarri kallashnikov, si dhe asgjësohen fidanë të dyshuar narkotikë.

Vihen në pranga 2 shtetas, posedues të armëve të zjarrit dhe autorë të tentativës për kultivim të bimëve narkotike.

Për më shumë bëhu pjesë e grupit më viral në Facebook, Dosja.al

Në vijim të kontrollit masiv të territorit, me qëllim parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, bazuar dhe në informacionet e marra në rrugë operative, Seksioni për Hetimin e Narkotikëve në Drejtorinë Vendore të Policisë Vlorë ka finalizuar operacionin e koduar “Llakatundi”, në kuadër të të cilit, në bashkëpunim me shërbimet e Komisariatit të Policisë Vlorë, u bë kapja dhe arrestimi i shtetasve: H. T., 40 vjeç dhe A. B., 50 vjeç, të dy me banim në fshatin Llakatund, Vlorë.

Si rezultat i këtij operacioni, Policia ka evidentuar dhe asgjësuar fidanë të dyshuar cannabis sativa, të cilat ishin kultivuar në pronën e këtyre shtetasve, në fshatin Llakatund.

Po gjatë operacionit, shërbimet e Policisë gjetën dhe sekuestruan edhe 2 armë zjarri kallashnikov me municion luftarak, të cilat dyshohet se i posedonin këta shtetas.

Materialet procedurale i kaluan Prokurorisë së Vlorës, për veprime të mëtejshme hetimore.

J.V/Dosja.al

Shto Koment