Aktualitet

Drogë, çipsa dhe letra bixhozi/ Arrestohet 27-vjeçari në Tiranë, si u kap në lokalin e tij ku luhej poker

Burime nga policia bëjnë me dije se 27-vje7ari me inicialet D.Sh., është arrestuar pasi në lokalin e tij "Bar kafe" që ndodhet në rrugën “Konferenca e Pezës” ushtrohej aktiviteti i paligjshëm i lojërave të fatit dhe i shpërndarjes e përdorimit të lëndëve narkotike.
Featured image of article: Drogë, çipsa dhe letra bixhozi/ Arrestohet 27-vjeçari në Tiranë, si u kap në lokalin e tij ku luhej poker Foto Ilustruese

TIRANË– Një 27-vjeçar ka rënë në pranga pasi akuzohet për organizimi të lojerave të palejuara, mbajtja pa leje e armëve të ftohta dhe prodhimi dhe shitja e narkotikëve.

Burime nga policia bëjnë me dije se 27-vje7ari me inicialet D.Sh., është arrestuar pasi në lokalin e tij “Bar kafe” që ndodhet në rrugën “Konferenca e Pezës” ushtrohej aktiviteti i paligjshëm i lojërave të fatit dhe i shpërndarjes e përdorimit të lëndëve narkotike.

Pas një kontrolli nga Policia e Shtetit, në ambjentin që zotëron i riu u gjetën doza hashashi, letra bixhozi, çipsa, një thikë dhe dhe dy targa automjetesh.

Njoftimi i policisë Tiranë

Vijojnë kontrollet për parandalimin dhe goditjen e veprimtarisë së kundërligjshme, në fushën e lojërave të fatit.

Evidentohet dhe goditet një rast i zhvillimit të lojërave të fatit dhe vënies në dispozicion të lokalit për zhvillimin e tyre.

Njëkohësisht, evidentohet dhe sekuestrohet lëndë narkotike dhe armë e ftohtë.

Për më shumë bëhu pjesë e grupit më viral në Facebook, Dosja.al

Arrestohet pronari i lokalit ku ushtrohej veprimtaria e paligjshme.

Shërbimet e Komisariatit të Policisë Nr. 6 Tiranë, mbi bazën e informacioneve të marra në rrugë operative se në ambientet e një lokali “Bar kafe”, në rrugën “Konferenca e Pezës” ushtrohej aktiviteti i paligjshëm i lojërave të fatit dhe i shpërndarjes e përdorimit të lëndëve narkotike, kanë ushtruar kontroll të befasishëm në lokalin e shtetasit D. Sh.

Gjatë kontrollit, Policia gjeti nje sasi lënde, e dyshuar si cannabis sativa, një valixhe me 340 çipsa, disa palë letra bixhozi, një mjet prerës thikë dhe dy targa automjetesh.

Në përfundim të veprimeve, u bë arrestimi në flagrancë i shtetasit D. Sh., 27 vjeç, banues në Tiranë.

Materialet hetimore i kaluan Prokurorisë së Rrethit Gjyqësor Tiranë, për veprat penale “Organizimi i lotarive të palejuara”, “Vënia në dispozicion e lokaleve për lojëra të palejuara”, “Mbajtja pa leje e armëve të ftohta” dhe “Prodhimi dhe shitja e narkotikëve”.

(f.m/dosja.al)

Shto Koment