Politike

(FOTO-GJAKU)/ Plas grushti në PS-në e Peqinit, dhunohet nga disa persona kreu i Njësisë Gjoçaj. Sherri pas largimit të Ballës

Në sherr është përfshirë kreu i Njësisë Administrative Gjoçaj, Bilal Hasa, i cili është konfliktuar me disa persona të tjerë, pasi kundërshtonte mënyrën e zgjedhjeve. 
Featured image of article: (FOTO-GJAKU)/ Plas grushti në PS-në e Peqinit, dhunohet nga disa persona kreu i Njësisë Gjoçaj. Sherri pas largimit të Ballës Bilal Hasa dhe pamje nga vendi ku janë konfliktuar socialistët

PEQIN– Zgjedhjet e Partisë Socialiste në Peqin janë zhvilluar mes tensioneve. Sipas burimeve për Dosja.al bëhet me dije se në qendrën e votimit ka plasur grushti. Në sherr është përfshirë kreu i Njësisë Administrative Gjoçaj, Bilal Hasa, i cili është konfliktuar me disa persona të tjerë, pasi kundërshtonte mënyrën e zgjedhjeve. 

 

Njollat e gjakut nga sherri në Peqin

Më tej mësohet se në këtë qendër votimi ka qenë i pranishëm dhe Sekretari i Përgjithsëm i Partisë Socialiste, Taulant Balla, dhe pas ikjes së tij ka nisur sherri. Bilal Hasa ka marrë dëmtime në trup nga goditjet dhe është dërguar me urgjencë në spital. Siç shihet dhe nga fotoja, në vendin ku janë konfliktuar socialistët ka dhe njolla gjaku. 

Për më shumë bëhu pjesë e grupit më viral në Facebook, Dosja.al

Partia Socialiste është futur në një proces të brendshëm zgjedhor, por në disa qytete ka pasur dhe përplasje brenda strukturave. Një ditë më parë Ardit Kërtusha që kandidonte për të marrë kryesimin e PS-së në Durrës është tërhequr nga gara dhe ka hedhur akuza kundër Vangjush Dakos. Sipas tij Dako po ndërhyn në zgjedhje dhe kërkon që në krye të vendoset një marionetë e tij. 

(A.M./A.B./E.K/ Dosja.al)

Shto Koment