Bota

Futi gishtat në gojë dhe i fshiu tek hekurat e metrosë, arrestohet i riu në Belgjikë (VD)

Ky djalë është arrestuar ditën e djeshme nga policia belge pasi ai arrihej të identifikohej lehtë në videon që u bë virale.
Featured image of article: Futi gishtat në gojë dhe i fshiu tek hekurat e metrosë, arrestohet i riu në Belgjikë (VD) Djali ne brenda metrose

BRUKSEL– Videoja që u bë virale dhe bëri xhiron e botës,  tregoi gjestin e shëmtuar të një  djali që pasi fuste gishtat në gojë i fshinte ato mbi tubat prej hekuri brenda një metroje në Bruksel, ndërkohë që koronaviruis ka mbërthyer botën, e ndër rregullat kryesorë është higjena.

Sipas mediave të huaja ky djalë është arrestuar ditën e djeshme nga policia belge pasi ai arrihej të identifikohej lehtë në videon që u bë virale.

Mësohet që videoja është regjistruar nga një pasagjer tjetër që ndodhej  brenda metrosë dhe pasi e publikoi ai shkroi: Shikoni çfarë bën ky bir k..ve në dorezat e transportit publik. Më mirë mos prekni hekurat.

Ndërsa kompania e transportit publik  tha: Një i ri (i intoksikuar) u arrestua nga policia dhe shërbimet tona të sigurisë pas denoncimit. Treni në fjalë është tërhequr nga shërbimi për dezinfektim”.

Në rang global janë regjistruar mbi 4600 viktima dhe mbi 125,000 të tjerë janë prekur nga koronavirusi në 118 vende të botës. Kina e cila ishte vendi i parë në botë i prekur nga koronavirusi pasi atje shpërtheu për herë të parë. Ndërkohë tashmë në Europë Italia është vendi më i prekur, ku numri i të prekurëve ka shkuar në 1016 dhe janë prekur mbi 15 mijë të tjerë. SHBA ka mbyllur të gjitha udhëtimet me Europën për një muaj si shkak i këtij virusi. Në Greqi është shënuar një viktimë, ndërsa në Shqipëri janë 23 të infektuar, mes tyre një viktimë.

Burimi: standard.co.uk

A.C/Dosja.al

Shto Koment