Rajoni

Detaji i rëndë/ Drejtori i Policisë: Efektivja pasi vrau familjarët, piu kafe në një lokal në Gjilan

Rashit Qalaj, ka thënë se ndien keqardhje për rastin tragjik që ka ndodhur dje në Gjilan ku është e përfshirë edhe një zyrtare policore.
Featured image of article: Detaji i rëndë/ Drejtori i Policisë: Efektivja pasi vrau familjarët, piu kafe në një lokal në Gjilan Valdete Bllaca
Përditësuar:

KOSOVË- Drejtori i Përgjithshëm i Policisë së Kosovës, Rashit Qalaj, ka thënë se ndien keqardhje për rastin tragjik që ka ndodhur dje në Gjilan  ku është e përfshirë edhe një zyrtare policore.

Fatkeqësisht dje e kemi pasë një rast shumë të rëndë dhe të ndjeshëm. Në Gjilan dje është shuar një familje – pesë anëtarë të një familje nuk jetojnë më. Në mesin e këtyre pesë anëtarëve të një familje është një police e Policisë së Kosovës e cila ka punuar së fundmi në Stacionin Policor në Gjilan dhe e cila e dimë sigurt që ka bërë vetëvrasje dje rreth orës 12:40 gjatë ditës”.

Qalaj në Zona B të Klan Kosovës ka folur për pistat e mundshme që tregojnë se si ka ndodhur ky rast tragjik – vrasje e katërfishtë dhe vrasje.

“Drejtoria e Krimeve të Rënda është duke e hetuar rastin nën udhëheqjen e prokurorit të Prokurorisë Themelore në Gjilan. Mund të them që njëra nga të dyshuarat apo e dyshuara kryesore është zyrtarja policore, mirëpo duhet të presim të gjitha ekzaminimet që i bën Njësiti i Forenzikës në vendin e ngjarjes dhe hetimet nga Drejtoria e Krimeve të Rënda”.

Për më shumë bëhu pjesë e grupit më viral në Facebook, Dosja.al

“Është bërë ekzaminimi i vendit të ngjarjes, janë marrë të gjitha evidencat që duhet të merren. Duhet që elementet që janë marrë nga vendi i ngjarjes dhe rezultatet që dalin nga obduksioni i Mjekësisë Ligjore të na përputhen në mënyrë që të bëjmë një konstatim”.

“Atë që mund të them lirisht është se dyshimet tona janë që të katër anëtarët e familjes dyshohet që janë vrarë në orët e hershme të mëngjesit, derisa zyrtarja policore ka bërë vetëvrasje gjatë pjesës së parë të ditës”.

Marrë nga Insajderi

Shto Koment