Bota

U shfaq me biblën në duar/ Udhëheqësja e Kishës sulmon Trump: Vendimet e tij po nxisin dhunë, gazetarja: Nuk mund ta besoj…

FOTO
Vizita e Trump dhe fjalimi i tij pranë kishës Episkopale shkaktoi një reagim të ashpër nga udhëheqësja e dioqezës Episkopale të Uashingtonit, Mariann Budde, e cila tha se Trump përdori Biblën si një sfond për një mesazh që është në kundërshtim me mësimet e Jezusit.
Featured image of article: U shfaq me biblën në duar/ Udhëheqësja e Kishës sulmon Trump: Vendimet e tij po nxisin dhunë, gazetarja: Nuk mund ta besoj… Kristin Fisher, Presidenti Trump dhe Mariann Budde.

SHBA– Pasditen e djeshme Presidenti amerikan, Donald Trump vizitoi  Kishën Episkopale të Shën Gjonit, ndërsa shihej që në dorë mbante një bibël. Në fjalimin e tij  ai deklaroi se do t’i jap fund trazirave dhe veprimeve të paligjshme që kanë përfshirë prej më shumë se një jave SHBA, duke  vendosur  ushtrinë nëse kryetarët e bashkive dhe guvernatorët e shtetit refuzojnë të thërrasin Gardën Kombëtare.

Në fjalimin e tij Trump foli edhe për ngjarjen që ndodhi në Sheshin Lafayette drejt Kishës së Shën Gjonit, e cila u dëmtua nga zjarri gjatë trazirave të së dielës në mbrëmje. Teksa mbante biblën në dorë Trump tha: Ne jemi vendi më i madh në botë.

Vizita e Trump dhe fjalimi i tij pranë kishës Episkopale shkaktoi një reagim të ashpër nga udhëheqësja e dioqezës Episkopale të Uashingtonit, Mariann Budde, e cila tha se Trump përdori Biblën si një sfond për një mesazh që është në kundërshtim me mësimet e Jezusit.

Ndër të tjera ajo ka thënë se vendimet që po merr Trump gjatë kësaj situate të vështirë, po ndikojnë më shumë në përkeqësimin e protestave dhe nxitjen e dhunës.

“Thjesht përdori një Bibël dhe një kishë të dioqezës time si një sfond për një mesazh që është në kundërshtim me mësimet e Jezusit dhe gjithçka që mbështet kisha jonë. Për ta bërë këtë, ai miratoi përdorimin e gazit lotsjellës nga oficerët e policisë për për të pastruar oborrin e kishës. Çdo gjë që ai ka thënë dhe ka bërë është në shërbim të nxitjes së dhunës.”-u shpreh ajo.

Për më shumë bëhu pjesë e grupit më viral në Facebook, Dosja.al

Gjithashtu edhe gazetarja e Fox News, Kristin Fisher, e cila ka pasur jo pak raste kur është përplasur me Presidenti Trump, ka reaguar përmes një postimi në rrjetet sociale ku thotë se nuk e beson këtë vizitë të Trump në Kishë.

“Unë nuk mund ta besoj këtë që po shoh. Presidenti sapo doli nga dera e përparme e Shtëpisë së Bardhë dhe u shfaq në Sheshin Lafayette, epiqendra e protestave, për të vizituar Kishën historike të Shën Gjonit, e cila u dogj mbrëmë.”- ka shkruar ajo.

Prej 8  ditësh në mbarë SHBA vijojnë protestat e dhunshme për vrajsen e George Floyd, 46-vjeçarit me ngjyrë që u vra barbarisht nga polici amerikan. Ky i fundit i vendosi gjunjët në fyt për disa minuta deri sa ja mori jetën. Ndërkohë në bazë të autopsisë së dytë,  rezulton se Floyd ka vdekur si shkak i dhunës së ushtruar nga polici, dhe jo nga problemet e zemrës siç u tha në fillim. Për shkak të protestave kaq të dhunshme që  kanë lënë edhe viktima e shkatërruar shumë biznese nëpër qytete, Presidenti amerikan Donald Trump ka deklaruar se  do të nxjerr ushtrinë për të vendosur nën kontroll situatën e tensionuar që është krijuar. Ditën e djeshme është mësuar se funerali i George Floyd do të bëhet më 9 qershor në Houston.

A.C/Dosja.al

Shto Koment