Rajoni

Heqja e taksës/ Mediat serbe: Presidenti Thaçi dhe Vuçiç do të takohen në Washington

Këtë takim do ta ndërmjetësoj i dërguari i Presidentit amerikan Donad Trump për dialogun Beograd-Prishtinë Richard Grenell.
Featured image of article: Heqja e taksës/ Mediat serbe: Presidenti Thaçi dhe Vuçiç do të takohen në Washington Aleksandër Vuçiç dhe Hashim Thaçi

SHBA – Ditën e sotme në Washington Presidenti i Kosovës do të zhvillojë një takim me Presidentin serb Aleksandër Vuçiç, kanë shkruar mediat kosovare, por akoma nuk është e konfirmuar zyrtarisht.

Ndërkohë edhe mediat serbe kanë shkruar për këtë takim, duke shtuar detaje të tjera, ku këtë takim do ta ndërmjetësoj i dërguari i Presidentit amerikan Donad Trump për dialogun Beograd-Prishtinë Richard Grenell.

Mësohet se ky takim nuk do të përfaqësojë vazhdimin e dialogut, pasi Vuçiç ka thënë vazhdimisht se në interes të gjetjes së një zgjidhje për çështjen e Kosovës, ai ka treguar të gatishmërinë e tij për të gjitha bisedimet, por mbi të gjitha në këtë dialog nuk është në dispozicion para se Prishtina të heqë taksën.

Për më shumë bëhu pjesë e grupit më viral në Facebook, Dosja.al

Deri më tani dihet se Presidenti i Kosovës Hashim Thaçi është për vizitë zyrtare në Uashington, ku zhvilluar një takim me sekretarin e Shtetit Mike Pompeo.

Kryeministri i Kosovës, Albin Kurti ka njoftuar se Qeveria e Kosovës ka vendosur ta heqë përkohësisht taksën 100% të vendosur për mallrat e që importohen nga Serbia dhe Bosnia e Hercegovina. Në një deklaratë për mediat, Kurti u shpreh se ky vendim është marrë për të parë reagimin e Serbisë kundrejt njohjes së Kosovës si shtet dhe do të vihet në zbatim duke filluar nga data 15 mars. Sipas Kurtit, kjo gjë do të zgjasë për një periudhë 90 ditore, deri më 15 qershor dhe nëse Serbia nuk ka reflektuar për marrëveshje me Kosovën, taksa do të rivendoset.

A.C/Dosja.al

Shto Koment