Bota

Përkeqësohet situata në SHBA/ Tre viktima dhe 1 i plagosur në protestat masive për vdekjen e George Floyd

Mediat e huaja shkruajnë se të paktën 3 persona kanë vdekur dhe 1 tjetër është plagosur rëndë në  Iowa dhe në Kentucky. 
Featured image of article: Përkeqësohet situata në SHBA/ Tre viktima dhe 1 i plagosur në protestat masive për vdekjen e George Floyd Pamje nga protestat ne SHBA

SHBA– Amerika prej ditësh është përfshirë nga protesta masive e të dhunshme pas vdekjes së 46-vjeçarit me ngjyrë George Floyd në SHBA. Ndërkohë që protestat janë përshkallëzuar ka pasur të plagosur dhe viktima në Amerikë.

Sipas mediave të huaja mësohet se të paktën 3 persona kanë vdekur dhe 1 tjetër është plagosur rëndë në  Iowa dhe në Kentucky.  Gjithashtu mësohet se mes protestuesve të lënduar edhe disa agjentë policie kanë mbetur të plagosur.  Ndërkohë në të  gjithë territorin amerikan ku janë mbajtur protesta ka pasur dhe qindra të arrestuar si shkak i sjelljeve të dhunshme.

Dyqanet në shtete të ndryshme të SHBA pastruan rrëmujën e lënë pas nga protestat e dhunshme një nate më parë. Xhama të thyer, mallra të vjedhura dhe biznese të djegura plotësisht, është kjo një pamje që vjen pas protestave në Amerikë.

Për më shumë bëhu pjesë e grupit më viral në Facebook, Dosja.al

Prej një jave nuk kanë të ndalur protestat në vend pas vdekjes së George Floyd,  46-vjeçari me ngjyrë që humbi jetën pas arrestimit të dhunshëm nga policia e Mineapolis.

Burimi:  Washingtonpost

A.C/Dosja.al

Shto Koment