Rajoni

Ambasadori Grenell: SHBA anulon projektet disa milionëshe derisa të hiqet taksa ndaj Serbisë

Grenell mësohet se sot ka pasur një komunikim të ashpër dhe të qartë me Kryeministrin e Kosovës, Albin Kurtin, si dhe Kryetaren e Kuvendit të Kosovës, Vjosa Osmani, të cilëve ua ka bërë të qartë se SHBA-ja është e gatshme të bëjë investime milionëshe në Kosovë, nëse hiqet taksa.
Featured image of article: Ambasadori Grenell: SHBA anulon projektet disa milionëshe derisa të hiqet taksa ndaj Serbisë Ambasadori i SHBA-Richard Grenell,

SHBA– Shtetet e Bashkuara të Amerikës kanë marrë vendim që të anulojnë të gjitha projektet e rëndësishme të investimeve të tyre në Kosovë, derisa Qeveria e Kosovës të marrë vendim për anulimin e taksës kundër mallrave të Serbisë.

Ambasadori i SHBA-së në Berlin, Richard Grenell, i cili është edhe i Dërguar Special i Presidentit Trump për dialogun Kosove-Serbi, mësohet se sot ka pasur një komunikim të ashpër dhe të qartë me Kryeministrin e Kosovës, Albin Kurtin, si dhe Kryetaren e Kuvendit të Kosovës, Vjosa Osmani, të cilëve ua ka bërë të qartë se SHBA-ja është e gatshme të bëjë investime milionëshe në Kosovë, nëse hiqet taksa.

“Megjithëkëtë, SHBA-ja do t’i anulojë të gjitha këto projekte deri sa Qeveria nuk i heq taksat dhe nuk heq dorë nga planet për vendosje të reciprocitetit”, ka thënë një burim për RTK.

Për më shumë bëhu pjesë e grupit më viral në Facebook, Dosja.al

Kjo është bërë e qartë edhe në një postim të ambasadorit Grenell në profilin e tij në Tëitter, ku thotë se nuk mund të ketë investime amerikane pa heqjen e taksës.

Taksa duhet të hiqet në mënyrë që të funksionojnë investimet. Është thelbësore”, ka shkruar Grenell në Twitter.

(a.m/dosja.al)

Shto Koment