Aktualitet

Përdorimi i medikamenteve të sugjeruara nga Trump, zv.ministrja e Shëndetësisë: Njërin ilaç e kemi edhe ne! (Sqaron protokollin klinik)

  • Rakacolli: Çdo kontakt i ngushtë me Skënder Bratajn po gjurmohet
  • Zv.ministrja e Shëndetësisë: Mund të ndodhë të infektohet padashje edhe mjekët
  • Këto dy substanca, janë përmendur gjatë përgjatë ditëve të fundit, ndërkohë që në New York, që është epiqendra e COVID-19, FDA ka lejuar testimin e dy medikamenteve.
    Featured image of article: Përdorimi i medikamenteve të sugjeruara nga Trump, zv.ministrja e Shëndetësisë: Njërin ilaç e kemi edhe ne! (Sqaron protokollin klinik) Mira Rakacolli

    TIRANË– Zv/ministrja e Shëndetësisë, Mira Rakacolli ka pohuar se në Shqipëri ndodhet stok një nga ilaçet që kuron malarien, (Hidoksiklorikina) i cili besohet se po jep efekte pozitive edhe në kurimin e COVID-19. Gjatë komunikimit të përditshëm me gazetarët, ajo tha: Infektivi në protokollin që ka bërë e ka të përdorur një medikament antimalares. Patjetër që stoku i këtij medikamenti është i pranishëm në Shqipëri edhe tani.

    Por Rakacolli, nuk përmendi si pjesë të protokollit klinik, azitromicinën e cila sipas presidentit të SHBA, por edhe studimeve të fundit në Itali dhe Francë, në bashkëpunim me Hidoksiklorikinën arrin të kurojë me sukses COVID-19.

    Këto dy substanca, janë përmendur gjatë përgjatë ditëve të fundit, ndërkohë që në New York, që është epiqendra e COVID-19, FDA ka lejuar testimin e dy medikamenteve. Gjithashtu edhe në Maqedoni ka nisur kurimi i të sëmurve me Hidoksiklorikin dhe azitromicin, ndërsa në Shqipëri, protokolli klinik i trajtimit të COVID-19 është ende i paqartë.

    Gjatë deklaratë së saj Rakacolli u shpreh se  gazetarët që do të cilësohen kontakt i ngushtë me drejtorin e Urgjencës Kombëtare, Skënder Bratajn (që është i infektuar me COVID-19), do iu bëhet testi. Ajo u shpreh më tej se mund të ndodhë që të infektohen padashje edhe mjekët gjatë punës së tyre.

    Për më shumë bëhu pjesë e grupit më viral në Facebook, Dosja.al

    Harta e të prekurve në Shqipëri është zgjeruar, ku epiqendra e COVID-19 është Tirana, e pas saj vjen Fieri e Korça. Ndërkohë që janë 146 të infektuar, 17 prej të cilëve janë shëruar dhe 5 viktima. Lezha, Shkodra, Vlora, Kavaja e Elbasani janë qytetet e tjera të prekurve. Gjendja e e të shtruarve në pavion është e stabilizuar deri më tani, ndërkohë që autoritetet bëjnë thirrje që qytetarët të qëndrojnë brenda.

    (F.g/dosja.al)

    Shto Koment