Aktualitet

Hija e grupit kriminal në BE pas atentatit të Ndojas/ SPAK bën gati letër- porosinë, kush janë eksponentët që operojnë për bandat në Durrës e Fushë-Krujë, s’duken në Shqipëri

Sipas burimeve nga grupi hetimor, SPAK po kërkon të dhëna për disa persona me rekorde kriminale, që mund të kenë lidhje të drejtpërdrejtë me krimin e ndodhur në mbikalimin e Shkozetit, më datë 1 nëntor të vitit të kaluar.
Featured image of article: Hija e grupit kriminal në BE pas atentatit të Ndojas/ SPAK bën gati letër- porosinë, kush janë eksponentët që operojnë për bandat në Durrës e Fushë-Krujë, s’duken në Shqipëri Rrumi, Arjan Ndoja, Redjan Rraja dhe vendi i ngjarjes
Përditësuar:

TIRANË– Hetimet për atentatin ndaj prokurorit Arjan Ndoja, ngjarje në të cilën humbi jetën shoferi Andi Maloku, po i kalojnë kufijtë e Shqipërisë. Dosja.al ka mësuar se Prokuroria e Posaçme Kundër Korrupsionit dhe Krimit të organizuar, e njohur ndryshe SPAK, ka dërguar një letër-porosi në një prej vendeve të Bashkimit Europian. Sipas burimeve nga grupi hetimor, SPAK po kërkon të dhëna për disa persona me rekorde kriminale, që mund të kenë lidhje të drejtpërdrejtë me krimin e ndodhur në mbikalimin e Shkozetit, më datë 1 nëntor të vitit të kaluar.

Dosja.al ka mësuar nga burime të rezervuara dhe konfidenciale të grupit hetimor, se personat për të cilët SPAK po kërkon të dhëna, janë eksponentë të fuqishëm të botës së krimit dhe janë pjesë e një grupi kriminal që e ushtron aktivitetin e tij në Durrës dhe Fushë-Krujë, por ende nuk dihen detaje të tjera.

Si ndodhi atentati i 1-nëntorit, plumbat i morën jetën Malokut dhe plagosën Nodjan e Rumin

Një skenë hollivudi e krimit shqiptar u përsërit në muajin nëntor të vitit 2019, në vendin e njohur si Mbikalimi i Shkozetit në Durrës. Makina tip “Benz”, ku po udhëtonte prokurori Arjan Ndoja, ra pre e një atentati, pasi një makinë tjetër “Benz”, ngjyrë gri, nisi të qëllonte me breshëri, duke lënë të plagosur të tri personat që po udhëtonin në këtë makinë.

Për më shumë bëhu pjesë e grupit më viral në Facebook, Dosja.al

Prokurori Arjan Ndoja, shoferi i tij, ish-polici i Krujës Andi Maloku që ndërroi jetë disa ditë pas atentatit, dhe një person i akuzuar për një sërë ngjarjesh kriminale, Pëllumb Ymeri (Rrumi), ngelën të plagosur pasi ndaj tyre u qëlluan mbi 20 plumba.

Atentatorët dyshohet se janë një skuadër vrasësish me pagesë, ndërsa pak orë pas ngjarjes në Ishëm, u gjet makina e tyre e pa djegur dhe brenda ndodheshin dy armët e përdorura në këtë atentat, përkatësisht dy kallashnikovë AK-47. Vetë Ndoja ka thënë se nuk i njeh autorët e atentatit. I vetmi që ndodhet pas hekurave në lidhje me këtë ngjarje është Redjan Rraja, i njohur ndryshe si ‘Dara” i Krujës, që është gjithashtu edhe nipi i deputetit të PS-së, Rrahman Rraja. Ai u arrestua nga Policia e Shtetit, teksa po tentonte të largohej nga Shqipëria drejt Malit të Zi e më pas drejt Italisë dhe u zbulua nga shenjat e gishtave të gjetura në një palë syze në makinën Benz ngjyrë gri, që u braktis i padjegur nga atentatorët në Ishëm. Vetë Rraja ka deklaruar se nuk ka marrë pjesë në atentat dhe se në momentin që ndodhi atentati ndodhej me të dashurën e tij, modelen Kejvina Kthella. Gjykata e ka lënë të riun në burg deri në përfundimin e hetimeve për atentatin. Pista kryesore që po hetohet në lidhje me atentatin ndaj Ndoja është ajo e pronave në Gjirin e lalëzit, ku mendohet të ketë pasur interes Rrumi. Për këtë ngjarje janë shoqëruar në Polici Plaurent Dervishaj dhe Julian Meçe, të cilët pas dëshmisë janë lënë të lirë.

(f.m;E.K/dosja.al)

Shto Koment