Aktualitet

Presidenti Meta takim me homologun izraelit, Rivlin: Shembulli i popullit shqiptar për shpëtimin e hebrenjve është një model unik

Presidenti Meta është shprehur se ndihet krenar për faktin që është kreu i një shteti shqiptar ku antisemitizmi nuk ka ekzistuar kurrë.
Featured image of article: Presidenti Meta takim me homologun izraelit, Rivlin: Shembulli i popullit shqiptar për shpëtimin e hebrenjve është një model unik Presidenti Meta dhe Presidenti izraelit Reuven Rivlin

IZRAEL- Presidenti i vendit, Ilir Meta ka udhëtuar drejt Izraelit për vizitën dy-ditore në kuadër të Forumit Ndërkombëtar të Holokaustit. Meta është pritur sot nga Presidenti izraelit, Ruven Rivlin në ditën e parë të vizitës së tij si përfaqësues i Shqipërisë në Izrael.

Kreu i shtetit ka falenderuar homologun izraelit për ftesën që i është bërë për në Forumin Ndërkombëtar të Holokaustit.

Këtë vit festohet edhe 75-vjetori i Çlirimit të kampit famëkeq të Aushvitz-Birkenau në Poloni.

Presidenti Meta është shprehur se ndihet krenar për faktin që është kreu i një shteti shqiptar ku antisemitizmi nuk ka ekzistuar kurrë.

“Ndihem krenar që jam kreu i një shteti ku antisemitizmi jo vetëm nuk ka ekzistuar kurrë, por edhe i një vendi ku numri i hebrenjve jo vetëm u shumëfishua gjatë Luftës së Dytë Botërore, por asnjë prej tyre nuk iu dorëzua pushtuesve. Ne do të jemi bashkë, edhe në përpjekjet për t’i mbrojtur këto vlera nga kërcënimet e përbashkëta si terrorizmi, ekstremizmi i dhunshëm dhe fondamentalizmi fetar. Shqipëria ka shumë për të mësuar nga Izraeli rreth përdorimit të teknologjisë, për të nxitur zhvillimin ekonomik. Në të njëjtën kohë, edhe ne kemi shumë për t’iu ofruar investitorëve, si dhe turistëve izraelitë që duan të vizitojnë vijën tonë të mrekullueshme të bregdetit, malet tona të larta dhe vendet tona historike.”-deklaroi Meta.

Për më shumë bëhu pjesë e grupit më viral në Facebook, Dosja.al

Nga ana tjetër Presidenti izraelit, Rivlin u shpreh se shembulli i popullit shqiptar për shpëtimin e hebrenjve përbën një model unik për të gjithë botën.

Ndërkohë Meta në fund të takimit i bëri një ftesë Presidentit Rivlin për në Shqipëri, e  pritur mjaft mirë nga ky i fundit.

“Do të jetë kënaqësia ime, të jem Presidenti i parë i Izraelit që viziton vendin tuaj aq mikpritës për ne”.-tha Rivlin.

Presidenti Meta do është një prej 40 lidervë ndërkombëtarë që do të marrë pjesë në  Forumin e Pestë të Holokaustit ditën e nesërme në Izrael. Kampi Aushvic u çlirua më 27 janar të 1945. Në kamp kishte 7.000 të mbijetuar, kryesisht të sëmurë që rrezikonin të vdisnin. Rreth 1.300,000 burra, gra dhe fëmijë u internuan në Aushvic në vitet 1940-1945. Nga këto, të paktën 1.100,000 u vranë. Forumi i Pestë i Holokaustit Botëror do të zhvillohet në Yad Vashem dhe Presidenti i Izraelit, Rivlin do të presë 40 udhëheqës të botës në një darkë ku do të diskutojnë në Rezidencën e Presidentit.

A.C/Dosja.al

Shto Koment