Aktualitet

Konflikt me armë zjarri e sende të forta mes dy grupeve në Vorë, vihen në pranga 3 persona

Gjatë sherrit njëri prej të rinjve ka qëlluar edhe me armë zjarri, por që fatmirësisht pa pasoja në njerëz.
Featured image of article: Konflikt me armë zjarri e sende të forta mes dy grupeve në Vorë, vihen në pranga 3 persona Arma e sekuestruar

VORË- Policia ka arrestuar tre persona në Vorë, pasi janë konfliktuar me një grup tjetër personash, duke përdorur armë dhe sende të forta në sherr e sipër. Sipas njoftimit të policisë mësohet se në pranga ka rënë 28-vjeçari L. B., 29-vjeçari A. E. dhe 32-vjeçari G. Sh, të tre banues në Vorë, pasi iu kanë bërë pritë tre personave të tjerë, duke i goditur me sende të forta.Gjatë sherrit njëri prej të rinjve ka qëlluar edhe me armë zjarri, por që fatmirësisht pa pasoja në njerëz.

NJOFTIMI I POLICISË:

Vorë, Tiranë

Policia parandalon përshkallëzimin e mëtejshëm të një konfikti mes disa personave.

Njëri prej tyre qëlloi me armë zjarri, ndërsa dy përdorën sende të forta gjatë konfliktit, arrestohen të tre në flagrancë. Sekuestrohet në cilësinë e provës materiale një armë luftarake pistoletë, fishekë luftarakë , si dhe një shufër metalike .

Për më shumë bëhu pjesë e grupit më viral në Facebook, Dosja.al

Specialistët për Hetimin e Krimit në Komisariatin e Policisë Vorë, pas njoftimit të marrë për një konflikt të çastit në rrugën “Rinia”, ku disa persona ishin konfliktuar me njëri – tjetrin dhe njëri prej tyre kishte qëlluar me armë zjarri, kanë bërë të mundur kapjen dhe prangosjen e shtetasit  në tentativë për t’u larguar, duke mos iu bindur urdhrit të Policisë për të  ndaluar, konkretisht:

-B., 28 vjeç, banues në Vorë, i cili u arrestua për veprat penale “Armëmbajtja pa leje” dhe “Mosbindja ndaj urdhrit të punonjësit të policisë së rendit publik”.Arrestimi i tij u krye, pasi ky shtetas, në bashkëpunim edhe me shtetasit A. E. dhe G. SH, në rrugën” Rinia”, në Vorë, kanë goditur me sende të forta shtetasit B. T., E. T. dhe R. T.

Në përfundim të veprimi u bë arrestimi në flagrancë edhe i shtetasve:

-A.E., 29 vjeç, banues në Vorë, për veprat penale “Prodhimi, mbajtja, blerja apo shitja pa leje e armëve të ftohta“ dhe “Plagosja e lehtë me dashje”;

-SH., 32 vjeç, banues në Vorë, i cili u arrestua për veprat penale “Prodhimi, mbajtja, blerja apo shitja pa leje e armëve të ftohta“ dhe “Plagosja e lehtë me dashje”.Materialet i kaluan Prokurorisë së Rrethit Gjyqësor Tiranë, për veprime të mëtejshme.

(a.m./dosja.al)

Shto Koment