Rajoni

Grenell: Afati për arritjen e marrëveshjes Kosovë-Serbi është i shkurtër

Me takime të ndara me kreun e Lëvizjes Vetëvendosje Albin Kurtin dhe atë të Lidhjes Demokratike të Kosovës Isa Mustafa ka nisur ditën e dytë të qëndrimit në Kosovë i dërguari i SHBA-së për dialogun Kosovës Serbi Richard Grenell.
Featured image of article: Grenell: Afati për arritjen e marrëveshjes Kosovë-Serbi është i shkurtër
Përditësuar:

PRISHTINE- Përfaqësuesi Special i Presidentit të SHBA-së për dialogun Kosovë-Serbi pas Prishtinës ka arritur për vizitë zyrtare në Beograd. Më të arritur atje Grenell ka folur sa i përket dialogut ndërmjet Prishtinës dhe Beogradit, dhe ka potencuar se presidenti i SHBA-së, Donald Trump, nuk do të lejojë që të zvarritet shumë gjatë procesi i arritjes së një marrëveshje ndërmjet Kosovës dhe Serbisë.

Grenell ka pohuar se ka një afat të shkurtër brenda të cilit do të duhet të zgjidhet problemi shumë vjeçar mes Prishtinës dhe Beogradit. Njëjtë sikurse në Prishtinë, Grenell ka thënë se Serbia duhet të ndalë lobimin kundër pavarësisë së Kosovës ndërkohë ka thënë se taksa e Kosovës ndaj produkteve me origjinë nga Serbia dhe Bosnja e Hercegovina duhet të hiqet.

I pyetur nëse është optimist që një gjë e tillë mund të ndodhë, Grenell ka thënë se njerëzit e komunitetit të biznesit dhe qytetarët e zakonshëm janë duke pritur progres. “Njerëzit e dinë që një gjë e tillë duhet të ndodh, por disa politikan janë bllokuar në mënyrën e tyre të vejtët të të menduarit dhe duan të debatojnë për gjithçka. Le të hiqen taksa, dhe unë do të insistojë që Serbia të ndalojë lobimin, kjo duhet të ndodh në të njëjtën kohë. Unë mendoj se jemi afër për ta bërë një gjë të tillë, njerëzit duan të ecin përpara, për ta kapërcyer të kaluarën”, ka thënë Grenell shkruan Blici serb.

Për më shumë bëhu pjesë e grupit më viral në Facebook, Dosja.al

(Marrë nga GazetaExpress)

R.G/Dosja.al

Një Koment në “Grenell: Afati për arritjen e marrëveshjes Kosovë-Serbi është i shkurtër

  1. Amerikanet mendojne se jan fuqija ma e madhe ne bote ,persa i perket Kosoves si shtet i pa mvarur jo kete ceshtje e kan ne dore Ruset,dhe kinezet neqoftese keta dy nuk e njohin Kosoven si shtet ateheri haroni Kosova dote mbetet nji autonomi e Serbise,a nuk e kuptoni se cfar presioni i behet Kosoves nga Amerikanet per taksen kurse Serbis jo pse nuk i ben presion per gjenocidin ne kosove ,ose ne Srebrenice e ti thote deri sa ska te denuar dote terheqim ambasaden nga Beogradi dhe jo te flitet gjithmone per taksen kjo esht vetem ne favor te Serbise ,cka i nevoitet Kosoves linija ajrore Prishtine Beograd kete dota perdorin vetem UDB.

Shto Koment