Bota

Mbi 10 vende mbyllin fluturimet drejt Kinës, panik për Koronavirusin edhe në Afrikë

E gjithë bota po ndërmerr masa të rrepta për shmangien e Koronavirusit që ka shpërthyer në Kinë dhe u ka marrë jetën 259 personave e ka infektuar mbi 12 të tjerë.
Featured image of article: Mbi 10 vende mbyllin fluturimet drejt Kinës, panik për Koronavirusin edhe në Afrikë Foto ilustruese, aeroport

KINË– Të prekur nga infeksioni janë shënuar në SHBA, Itali, Greqi, Rusi, Gjermani si dhe në Britaninë e Madhe duke i detyruar këto shtete të mbyllin fluturimet drejt Kinës dhe anasjelltas .

Edhe Irani, pavarësisht se nuk  ka konfirmuar asnjë rast të infektimit nga virusi vdekjeprurës, ka vendosur si masë paraprake pezullimin e fluturimet me Kinën. Gjithashtu edhe Vietnami, Uzbekistani dhe Katari gjithashtu kanë vepruar në të njëjtën mënyrë.

Filipine kanë pezulluar tre linja ajrore në fluturimet drejt Kinës, ndërsa në Kurdistan tek aeroporti ndërkombëtar i Erbilit janë ndaluar tre shtetas kinezë që kishin vizituar Dubain.

Por teksa situata është shumë delikate, në Hong Kong të gjithë  mjekët, infermierët dhe personeli i shëndetësisë që punojnë në spitalet e Hong Kong-ut kanë dalë sot në protesta për mbylljen e kufirit me Kinën kontinentale, mënyra e vetme që të mbrohen nga virusi vdekjeprurës.

Frika më e madhe ekziston edhe në Afrikë, pavarësisht se deri më tani nuk është regjistruar asnjë i prekur.

Për më shumë bëhu pjesë e grupit më viral në Facebook, Dosja.al

Kujtojmë që drejtori i përgjithshëm i Organizatës Botërore të Shëndetit, Tedros Adhanom Ghebreyesus, shpalli gjendjen e emergjencës dhe deklaroi se virusi mund të arrijë në vendet me sisteme më të dobëta shëndetësore.

Koronavirusi vdekjeprurës ka arritur shifra alarmante në Kinë, duke u marrë jetën 259 njerëzve, ndërsa mbi 12 mijë të tjerë janë prekur nga ky virus. Ndërkohë dje OBSH ka shpallur emergjencë botërore. Autoritetet kineze deklarojnë se kanë marrë masat e duhura pasi tashmë ato po kurojnë në spitalin me 1000 shtretër të ndërtuar brenda 48 orëve të gjithë pacientët e infektuar. Sipas shkencëtarëve mendohet që burimi i virusit të jenë kafshët e egra të shitura në mënyrë të paligjshme në një treg të hapur, por ekziston edhe versioni që virusi është krijuar në një laborator ushtarak. Ndërkohë jo vetëm Kina por edhe Australia po punon për krijimin e vaksinës kundër koronavirusit.

Burimi: cbsnews

A.C/Dosja.al

Shto Koment