Bota

Rrëzimi i avionit në Iran/ Khamenei do të udhëheqë lutjet për viktimat, për herë të parë që nga 2012

Hera e fundit që Ayatollah Khamenei drejtoi lutjet e së premtes në Teheran ishte në vitin 2012 në 33 vjetorin e Revolucionit Islamik të vendit.
Featured image of article: Rrëzimi i avionit në Iran/ Khamenei do të udhëheqë lutjet për viktimat, për herë të parë që nga 2012 Ayatollah Ali Khamenei

IRAN– Udhëheqësi suprem i Iranit Ayatollah Ali Khamenei do të udhëheqë lutjet e së premtes në kryeqytetin Tehera,  hera e parë që ai e ka bërë këtë gjë në tetë vjet.

Këto lutje vijnë në vazhdën e protestave të përhapura nga qytetarët, pasi irani pranoi se ka ndikuar pëer rrëzimin e aeroplanit ukrainas me  176 njerëz.

Udhëheqja e Iranit është gjithashtu nën presion mbi një rënie në ekonomi të sjellë nga sanksionet amerikane.

Të mërkurën, Presidenti Hassan Rouhani bëri thirrje për unitetin kombëtar, edhe pse ka shenja që tregojnë mosmarrëveshje për shkak të avionit të rrëzuar.

Hera e fundit që Ayatollah Khamenei drejtoi lutjet e së premtes në Teheran ishte në vitin 2012 në 33 vjetorin e Revolucionit Islamik të vendit.

Për më shumë bëhu pjesë e grupit më viral në Facebook, Dosja.al

Lutjet e së premtes në kryeqytet janë një veprim simbolikisht i rëndësishëm që zakonisht rezervohet për kohën kur autoriteti më i lartë i Iranit dëshiron të japë një mesazh të rëndësishëm, thotë Mehdi Khalaji nga Instituti Uashington për Politikën e Lindjes së Afërt.

Historikisht, udhëheqësit iranianë ua kanë lënë këtë detyrë klerikëve besnikë me aftësi të forta oratorike, shton ai.

Më 8 janar avioni ukrainas “Boeing 737”, i kompanisë “Ukranian Airlines”, është rrëzuar në Iran me 176 njerëz brenda, ku të  gjithë kanë humbur jetën. Kanë reaguar  menjëherë institucionet ukrainase duke konfirmuar numrin e vitkimave. Për këtë tragjedi irani ka  pranuar fajin duke thënë se është shkaktar për vdekjen e 176 personave.

Burimi: BBC 

A.C/Dosja.al

Shto Koment