Bota

Donald Trump emëron Richard Grenell, në krye të Shërbimeve të Inteligjencës

Presidenti amerikan Donald Trump ka njoftuar mbrëmjen e së mërkurës se ka vendosur ambasadorin amerikan në Gjermani Richard Grenell në krye të Iteligjencës, pasi ai është personi që i beson më shumë.
Featured image of article: Donald Trump emëron Richard Grenell, në krye të Shërbimeve të Inteligjencës Richard Grenell

SHBA – Presidenti amerikn amerikan Donald Trump ka emëruar në krye të Zbulimit Kombëtar, ambasadorin amerikan në Gjermani  Richard Grenell. Lajmi është bërë i ditur nga vetë presidenti Trump përmes një postimi në rrjetet sociale, ku më pas është publikuar edhe nga mediat e huaja në vend.

Jam i kënaqur të njoftoj se Ambasadori ynë shumë i respektuar në Gjermani, @RichardGrenell, do të bëhet Drejtor i Zbulimit Kombëtar.” “Rick (Richard Grenell) ka përfaqësuar vendin tonë jashtëzakonisht mirë dhe mezi pres të punoj me të.”– ka shkruar Trump në Facebook.

Posti i ri që Grenell ka marrë ditën e djeshme si Drejtorit i Zbulimit Kombëtar luan rolin e një mbikëqyrësi të Komunitetit të Shërbimeve të Inteligjencës ku gjithësej janë anëtarë 16 agjenci të ndryshme zbulimi, ku mes tyre më e njohura prej  të gjithave është CIA.

Për më shumë bëhu pjesë e grupit më viral në Facebook, Dosja.al

Sipas mediave të huaja ambasadori amerikan Grenell kishte kërkuar më herët  të largohej nga detyra në Gjermani, pasi dëshira e tij ishte të punonte në një nivel tjetër qeveritar nga sa kishte arritur.

Por ndërkohë nga ana tjetër kanë nisur polemikat edhe nga vetë stafi i Trump se drejtori që ai ka përzgjedhur nuk është  i duhuri pasi Grenell nuk ka eksperiencën e duhur. Një burim i afërt me Trump ka thënë për CNN se ata ishin të befasuar nga zgjedhja, duke përmendur se Grenell nuk ka asnjë përvojë që lidhet me inteligjencën. Një tjetër këshilltar i Trump e përshkroi Grenell si “jashtë ligës së tij” për punën që vepron DNI, duke shtuar se disa persona në administratën amerikane janë “të zënë ngushtë nga sjellja e tij”.

Burimi: CNN 

A.C/Dosja.al

Shto Koment