Sport

FSHF i tregon “faturën” Kukësit për ndeshjen që do të luhet në “Air Albania”, ja sa do paguajë klubi verilindor

Kukësi do të ketë një ndeshje “test” ndaj Partizanit, për të provuar edhe nivelin e arkëtimeve në këtë stadium dhe se sa tifozë do të afrojë në stadiumin modern.
Featured image of article: FSHF i tregon “faturën” Kukësit për ndeshjen që do të luhet në “Air Albania”, ja sa do paguajë klubi verilindor Pamje nga stadiumi “Air Albania”

TIRANË– Stadiumi i ri i kryeqytetit do të presë një tjetër ndeshje të Kategorisë Superiore. Pas derbit të kryeqytetit, luajtur një muaj më parë, një tjetër ndeshje e rëndësishme që do të zhvillohet në“Air Albania”.

Kukësi ka gjetur dakordësinë me FSHF-në, për të zhvilluar aty ndeshjen e javës së 19-të kundër Partizanit.

Fundjava e ardhshme pritet të ndezë atmosferën, me dy klubet që janë pranë njëra-tjetrës në klasifikim.Kostoja që një klub duhet të paguajë për të marrë të drejtën e zhvillimit të takimeve si organizatore është 20 milion lekë (të vjetër), tarifë standarte kjo për ekipet e Kategorisë Superiore.

Për më shumë bëhu pjesë e grupit më viral në Facebook, Dosja.al

Ky do të jetë një test për Kukësin, që si organizatore dhe pritëse e takimit ka të drejtën të ketë më shumë vende për tifozerinë e vet. Kukësi do të ketë një ndeshje “test” ndaj Partizanit, për të provuar edhe nivelin e arkëtimeve në këtë stadium dhe se sa tifozë do të afrojë në stadiumin modern.

Për cilindo klub që kërkon të shmangë pagesën “afrofe”, mund të pranojë që të japë 20-30% të arkëtimeve nga shitja e biletave. Por, edhe në këtë rast, shoqëria që ka në administrim stadiumin kërkon që minimalja e mundshme të jetë vlera e 20 milionë lekëve (të vjetër).

E.Ç/Dosja.al

Shto Koment