Opinione

Etilda Gjonaj dhe dështimi spektakolar me burgjet, BOSSËT e krimit u liruan nga qelitë, ku ‘flinte’ ministrja

Pas paralajmërimeve të gazetarëve që rrezikojnë jetën duke raportuar, minimalisht Ministrja e Drejtësisë, mund të kishte zbatuar të drejtën që i jep Kushtetuta, për akte normative që të shmangte lirimin masiv nga burgu të të dënuarve me burgim të përjetshëm.
Featured image of article: Etilda Gjonaj dhe dështimi spektakolar me burgjet, BOSSËT e krimit u liruan nga qelitë, ku ‘flinte’ ministrja Etilda Gjonaj, Sardian Sulejmani dhe Endrit Dokle

Ndërsa të dënuarit e famshëm po dalin nga burgu, qeveria ka nisur një fushatë. Jo për t’i kthyer në burg, jo për të shmangur daljet e tjera, por për të shpërndarë përgjegjësinë, për t’jua lënë atë gjykatave dhe prokurorive dhe për të larë duart.

Ministrja e Drejtësisë u shpreh shumë e shqetësuar pak ditë më parë për lirimin e Endrit Dokles, duke fajësuar gjyqtaren e Krujës, Enkeleida Hoxha. Sipas Ministres, i gjithë procesi u bë nga gjyqtarja dhe përgjegjësia ishte e saj. Po çfarë ka ndodhur me lirimin e Dokles?

Si fillim, gjyqtarja Hoxha pranon të shqyrtojë çështjen dhe kërkon transferimin e të burgosurit nga Peqini në Fushë-Krujë. Drejtoria e burgut të Peqinit, që është në varësi të Ministrisë së Drejtësisë, iu përgjigj menjëherë pozitivisht kërkesës së gjyqtares. Në këtë moment ministrja Gjonaj, ose është tradhëtuar nga punonjësit në varësi që nuk e kanë njoftuar, ose e ka lënë të ndodhë ky proces.

 

A ka përgjegjësi Ministrja për këtë? Cfarë do të ndodhte nëse atë deklaratë që bëri pas lirimit ta bënte përpara?

Një i burgosur i Peqinit dëshmoi në Dosja.al, se Endrit Dokle kishte qeli vipash, se një grup të burgosursiht, ata më të rrezikshmit, trajtohen si pronarët e burgut. A i dinte këto Ministrja Gjonaj? Nëse nuk i dinte përpara publikimit të dëshmisë në Dosja.al, çfarë bëri pasi i mori vesh?

Për më shumë bëhu pjesë e grupit më viral në Facebook, Dosja.al

Ky trajtim preferencial i disa të burgosurve, vetëm sa nxjerr bllof Etilda Gjonajn, për sistemin “41 bis” që e prezantoi si një risi. Atëherë premtoi se kriminelët më të rrezikshëm do të përfundonin në qeli me siguri maksimale, me komunikim të kufizuar. Sot është e qartë që kishim të bënim me një shoë që fsheh dështimin përpara krimit.

Mund të shkojmë më parë në kohë, kur gazetarë të njohur që mbulojnë Drejtësinë, kanë paralajmëruar skemën e lirimit të personazheve më të njohur të burgjeve të sigurisë së lartë.

Në 2016 u lirua Lul Berisha, me të njëjtën mënyrë që u lirua Endrit Dokle dhe të tjerë përpara tij.

Pas paralajmërimeve të gazetarëve që rrezikojnë jetën duke raportuar, minimalisht Ministrja e Drejtësisë, mund të kishte zbatuar të drejtën që i jep kushtetuta, për akte normative që të shmangte lirimin masiv nga burgu të të dënuarve me burgim të përjetshëm.

Etilda Gjonaj ka thyer çdo rekord me të burgosurit e liruar. Asnjëherë më parë nuk ka ndodhur kjo, por, në vend të japë doreheqje, bën prokuroren e paautorizuar, për të shpërndare fajin në drejtim të paditur.

Shto Koment