Politike

Pakti për Zgjedhoren/ Rama: Rikthim i arsyeshëm i opozitës në tryezën e dialogut

Përmes një postimi në Twitter, kreu i qeverisë shprehet se përgëzon rikthimin e opozitës në tryezën e dialogut.
Featured image of article: Pakti për Zgjedhoren/ Rama: Rikthim i arsyeshëm i opozitës në tryezën e dialogut

TIRANË– Kryeministri Edi Rama ka reaguar për marrëveshjen e firmosur ditën e sotme mes palëve për reformën zgjedhore. Përmes një postimi në Twitter, kreu i qeverisë shprehet se përgëzon rikthimin e opozitës në tryezën e dialogut.

“Përtej më shumë se një viti të humbur në rrugën e konfliktit të çuar deri në ekstremin e mosarsyes, duhet përgëzuar ky rikthim i arsyeshëm në tryezën e dialogut për shkallën e parë të Reformës Zgjedhore, ku të gjitha rekomandimet e OSBE/ODHIR-it do integrohen në Ligjin Zgjedhor”, shkruan Rama. 

Për më shumë bëhu pjesë e grupit më viral në Facebook, Dosja.al

Opozita dhe maxhoranca kanë arritur sot në konsensus për Reformën Zgjedhore. Palët kanë rënë dakord që reforma të bëhet me konsensus dhe të ‘nxirret’ nga Kuvendi, për të marrë pjesë dhe opozita jashtëparlamentare. Tryeza erdhi kur pas një takimi suprizë me aleatët, kryedemokrati Lulzim Basha doli dhe tha formalisht emrat e dy negociatorëve në dialogun me PS, pavarësisht se gjithçka ishte bërë gati më herët me ndërhyrjen e ndërkombëtarëve. Petrit Vasili dhe Oerd Bylykbashi kanë marrë pjesë sot për herë të parë në një takim jashtë Parlamentit për miratimin e një reforme. SHBA, BE dhe OSBE kanë mbeshtetur këtë tryezë duke thënë se me bashkëpunim të vijohet deri në fund.

(a.m/dosja.al)

Shto Koment