Bota

Davos 2020/ Nis sot në Zvicër Forumi Ekonomik Botëror

Përafërsisht në këtë Forum marrin pjesë 3,000 njerëz, ku një e treta e këtij numri zihet nga njerëzit që bëjnë pjesë në biznes.
Featured image of article: Davos 2020/ Nis sot në Zvicër Forumi Ekonomik Botëror Davos 2020

ZVICËR– Ditën e sotme do të mbahet Forumi i Davos, një prej takimeve më të rëndësishme që ndodh në të gjithë botën. Në këtë forum bëhen bashkë ekonomistët dhe politikanët ndërkombëtarë më të fuqishëm në botë.

Ky Forum Ekonomik Botëror do të mbahet në Davos të Zvicrës, ku këtë vit do të marrin pjesë dy  emra të rëndësishëm që kanë bërë bujë, aktivistja e klimës suedeze Greta Thunberg dhe Presidenti amerikan Donald Trump, që e ka kundërshtuar disa herë për protestat e saj në mbarë botën.

Forumi Ekonomik Botëror është themeluar që prej vitit 1971, i cili synon të bëjë më të mirën për Botën. Prej 49 vitesh ky Forum mbahet në vendin alpin të Zvicrës, në Davos, ku marrin pjesë, politikanë, biznesmenë  dhe personazhe të njohur dhe me shumë ndikim në botë.

Për më shumë bëhu pjesë e grupit më viral në Facebook, Dosja.al

Përafërsisht në këtë Forum marrin pjesë 3,000 njerëz, ku një e treta e këtij numri zihet nga njerëzit që bëjnë pjesë në biznes.

Burimi: BBC 

A.C/Dosja.al

  • 14:39

    Greta Thunberg e pa ‘trembur’ para Trump në Davos 2020: Nuk është bërë asgjë për të zgjidhur krizën e klimës

    Në Forumin e Davos në Zvicër adoleshentja 17-vjeçare Greta Thunberg u tha politikëbërësve dhe udhëheqësve të biznesit se mosveprimi i tyre për krizën klimatike është duke ndezur akoma më shumë zjarrin në të gjithë botën.

    17-vjeçarja përsëriti mesazhin e saj nga Forumi Ekonomik Botëror i vitit të kaluar, por nxiti audiencën që të veprojnë për klimën.

    Pyes veten se çfarë do t’u thuash fëmijëve tuaj  se cila ishte arsyeja e dështimit dhe t’i lini ata të përballen me një kaos klimatik që me vetëdije sollët mbi ta,” -u shpreh ajo.

    Teksa fliste para liderëve botërorë  dhe Presidentit amerikan Donald Trump Thunberg tha:  Vetëdija për krizën e klimës është rritur, por në aspektet e tjera, nuk ka ndryshuar shumë.

    Thunberg u shpreh se qeveritë nëpër botë  duhet të dëgjojnë shkencën dhe të fillojnë ta trajtojnë krizën e klimës, mos të qëndrojnë sikur s’po ndodh asgjë.

    Sipas Thunberg, të dhënat zbulojnë se në atmosferë duhet të çlirohen akoma rreth 420 gigatonë dioksid karboni në mënyrë që bota të ketë mundësi të mbajë nën kontroll rritjen e temperaturës me vetëm 1.5 gradë celcius.

  • 14:25

    Davos 2020/ Trump kundërshton Thunberg: Shmangni “profetët e apokalipsit” , Amerika po e mbron ekonominë e saj

    ZVICËR– Presidenti amerikan Donald Trump teksa ka mbajtur fjalimin e tij në Forumin Ekonomik të Davos ditën e sotme ka kritikuar të ashtuquajturit “profetët e apokalipsit” për problemet e klimës.

    Trump ka bërë thirrje që të refuzohen predikimet për apokalipsin dhe gjithçka që ka lidhje me fatkeqësitë natyrore, duke theksuar se SHBA-ja po e mbron siç duhet ekonominë dhe qytetarët e saj.

    Mediat e huaja kanë shkruar për fjalën e Trump gjatë Forumit të Davos, i cili ka sulmuar menjëherë aktivisten suedeze Greta Thunberg, pasi kjo e fundit në hapje të seancës bëri thirrje për zhdukjen e ‘apokalipsit klimatik’.

    “Këta alarmues kanë kërkuar gjithmonë të njëjtën gjë- fuqi absolute për të dominuar, transformuar dhe kontrolluar çdo aspekt të jetëve tona”.-është shprehur Trump.

    Por pas fjalës së Presidentit Trump, Thunberg nuk dha asnjë koment.

Shto Koment