Politike

“Ke rrahur të gjithë studentët e Shqipërisë”/ Berisha sulmon Ramën për incidentin në ceremoninë e diplomimit: Akt i shëmtuar prej gangsteri (VD)

Berisha tha se ai ishte një akt i shëmtuar dhe më atë që ka bërë dje Rama ka rrahur çdo student shqiptar, vetëm se ai tha një të vërtetë.
Featured image of article: “Ke rrahur të gjithë studentët e Shqipërisë”/ Berisha sulmon Ramën për incidentin në ceremoninë e diplomimit: Akt i shëmtuar prej gangsteri (VD) Sali Berisha

TIRANË– Ish-kryeministri Sali Berisha nga konferenca “Sfida dhe vizione në shëndetësi” komentoi sot incidentin e ndodhur ditën e djeshme në Pallatin e Kongreseve, gjatë ceremonisë së diplomimit të studentëve të Universitetit të Mjekësisë. Berisha tha se ai ishte një akt i shëmtuar dhe me atë që ka bërë dje Rama ka rrahur çdo student shqiptar, vetëm se ai tha një të vërtetë.

“Një akt i shëmtuar, i them këtij gangsteri se ke vrarë çdo student shqiptar, me atë që ke bërë në sallën e diplomimit. Ai tha një të vërtetë dhe ky fut roje dhe e rrahu studentin në sallë. Kërkoj ndjesë se ishte pak dhe jashtë teme, por e vërteta është që kreu i meduzës, kanceri i vërtetë i mjekësisë së vërtetë shqiptare është Edi Rama”, u shpreh Berisha.

Për më shumë bëhu pjesë e grupit më viral në Facebook, Dosja.al

Ndër të tjera ish-kryeministri ngriti alarmin se Shqipëria për nga numri i mjekëve është më keq se në kohën e Enver Hoxhës.

“Sot Shqipëria në numrin e mjekëve për frymë është më keq se në kohën e Enver Hoxhës. Nuk kupton se ia kanë mbyllë sytë koncesionet. Sot bëhet fjalë në vendet e zhvilluara për një mjek në 300 banorë, kurse Shqipëria po shkon në një mjek në 1200 banorë me gjithë fugën masive të qytetarëve shqiptarë nga Shqipëria.Këtij problemi të tmerrshëm që po privon nga kujdesi shëndetësore me dhjetëra mijëra qytetarë shqiptarë, fëmijë që nuk gjejnë pediatrin, gra që nuk gjejnë gjinekologun për këtë jemi në rregull, por nuk duhet habitur se po ky do të deklaronte pak muaj më parë dhe do ta bëhet Evropën të qeshte me të se Shqipëria nuk ka banda.Kur je vetë kryebandit bandat të duken lule. Nuk ka kriminelë ka keqbërës. Kjo dyshe me politikat e tyre po shkatërrojnë një sistem që kishte brishtësinë e vet dhe ka nevojë më shumë se çdo gjë tjetër të përsoset”, deklaroi Berisha.

Incidenti ndodhi në ceremoninë e diplomimit të studentëve të Mjekësisë. Teksa kreu i qeverisë po fliste lidhur me kushtet e reja ku po punojnë ‘bluzat e bardha”, një nga të pranishmit në sallë ka ngritur zërin duke i thënë Ramës së në Shqipëri diplomohen vetëm të pasurit.

(a.m./dosja.al)

Shto Koment