Bota

“Flluskë e Covid-19”  Eksperimenti belg: Çdo familje mund të ftojë deri në 4 mysafirë

"Quhet enigmë me katër persona. Nëse do të mund të ftonin vetëm katër anëtarë të familjes ose miq për të darkuar për disa javë rresht, kë do të zgjidhnit?" - kështu nis artikulli i TheGuardian mbi ekspertimetin belg sa i përket situatës pas Covid-19.
Featured image of article: “Flluskë e Covid-19”  Eksperimenti belg: Çdo familje mund të ftojë deri në 4 mysafirë Foto ilustruese

BELGJIKË– Kjo është dilema në të cilën qeveria belge ka vendosur qytetarët e saj, ndërsa kalon në fazën tjetër në lehtësimin e kufizimeve në jetën e përditshme. Autoritetet besojnë se takimet familjare kanë qënë një nga shkaqet kryesore të përhapjes së virusit.

Prej të dielën, çdo familje në Belgjikë mund të ftojë deri në katër mysafirë në shtëpi. Dy grupe prej katër personash mund të vizitojnë shtëpitë e njëri-tjetrit. Askush tjetër nuk lejohet të futet në rrethin e brendshëm shoqëror. Kjo strategji, e cila është gjithashtu duke u diskutuar nga qeveria britanike, hap fushën e minuar më të madhe sociale të bllokimit të koronavirusit.

Kështu kryeministrja belge Sophie Ëilmes, njoftoi planin javën e shkuar, pasi u akuzua se i kishte dhënë përparësi ekonomisë mbi dëshirat e njerëzve për t’u ribashkuar me miqtë dhe familjen. Lejimi i ‘flluskave sociale’  të fillojnë të dielën, kur Belgjika shënon Ditën e Nënës.

Ndarja fizike nga ata që i duam në disa raste është e padurueshme.”- u shpreh  Ëilmes, por vizitorëve u thuhet që të mos përqafojnë ose të shkëmbejnë përshëndetjen tipike me tre puthje. Qeveria pret që mysafirët të qëndrojnë 1,5 metra larg dhe sugjeron që njerëzit të takohen në kopshte ose në tarraca kur është e mundur. Autoritetet thonë se është e pamundur për të monitoruar takimet, por se ata mbështeten në përgjegjësinë e belgëve për të bërë detyrën qytetare.

Belgët, veçanërisht familjet e mëdha ose ato ku njëri ose të dy prindërit janë rimartuar, tashmë po mendojnë për zgjedhjet e tyre.

 “Është jashtëzakonisht e komplikuar. Unë e kuptoj, por zbatimi i ligjit është plotësisht i pamundur.”-  tha Anne, një drejtoreshë 45-vjeçare e financave.

Ajo jeton në Bruksel me burrin e saj dhe dy vajzat adoleshente.

“A duhet të zgjedhim një familje të plotë prej katër vetësh, nga të cilët ata janë kontakti ynë i vetëm dhe ne jemi kontakti i tyre i vetëm? Kjo do të thotë se nuk mund të lejoj asnjë nga miqtë e fëmijëve të mi t’i vizitojë ata.”- deklaroi ajo.

Prioriteti i saj është të shohë djalin e saj adoleshent, i cili jeton me babanë e tij dhe ka astmë, që do të thotë se ai është izoluar nga pjesa tjetër e familjes. Por ajo nuk dëshiron t’i shkëpusë dy vajzat e saj nga miqtë e tyre. “Unë nuk kam ndërmend të mbaj një bllok shënimesh se kush po takon kë” tha ajo.

“Ka pasur shumë konfuzion në lidhje me letrën e politikës. Shumë njerëz nuk e kuptuan që të katër të ftuarit ishin menduar të vinin nga e njëjta shtëpi.”- thotë Karen Phalet, profesoreshë në Universitetin e Leuven.

Për më shumë bëhu pjesë e grupit më viral në Facebook, Dosja.al

Epidemiologët që këshillojnë qeverinë zgjodhën numrin katër sepse përputhet me kapacitetin aktual për të bërë gjurmimin e kontakteve nëse dikush sëmuret. Çiftimi  i dy familjeve gjithashtu zvogëlon efektin e shumëzimit të rrezikut që do të vinte nga një përzierje më e larmishme, por problemi është se modelet epidemiologjike nuk përputhen me mënyrën sesi njerëzit shoqërohen në jetën reale.

“Nëse një familje mund të ketë kontakte vetëm me një familje për Ditën e Nënës, ne duhet të bëjmë një zgjedhje, ose nënën ose vjehrrën. Është një zgjedhje e vështirë për disa familje. Kush ka përparësi, miqtë e fëmijëve, apo janë gjyshërit?”- tha Phalet.

Belgjika ka ndjekur një strategji të ngjashme me qasjen gjermane, ku njerëzit nga dy familje të veçanta do të lejohen të takohen duke nisur nga kjo javë, ndërkohë që qeveria ka lehtësuar edhe më tej masat e izolimit.

Vetëm një person për një familje ishte më parë i aftë të takonte një person nga një familje tjetër. Në teori, dy familje ose dy çifte tani mund të takohen, me kusht që të respektojnë rregullin fizik të distancës prej 1.5 metrash dhe të veshin maska nëse takohen jashtë.

Nuk është specifikuar nëse një familje mund të takohet me një familje në një ditë dhe një familje tjetër ditën tjetër. Kancelarja gjermane Angela Merkel thotë se këto rregulla të reja do të jenë në fuqi deri më 5 qershor, kur priten të rishikohen,

Ndërkohë në Spanjë, një ndër vendet më të goditura në Europë ka qenë nën një nga karantinat më të rrepta në Europë, qeveria ka thënë se grupe deri në 10 persona do të jenë në gjendje të mblidhen në shtëpi private ose jashtë nga e hëna, por vetëm në disa zona të vendit që janë lejuar të kalojnë në fazën e dytë të planit.

 

Të paktën 51% e njerëzve në Spanjë, përfshirë ata në Ishujt Kanarie dhe Ishujt Balearik kanë hyrë sot në fazën e dytë. Rajonet e Madridit dhe Barcelonës, ​​dy nga zonat më të goditura, do të mbeten për momentin në fazën paraprake.

Burimi: Theguardian 

A.C/Dosja.al 

Shto Koment