Politike

“A është jetë kjo, bukë me listë në 2020?”, Basha ‘iu qan hallin’ grave fierake: Ata e kanë mendjen vetëm për të zhvatur, s’kanë veshë për të dëgjuar (VD)

Në një bisedë me një familje, lideri i PD-së, Basha ka dëgjuar problemet dhe hallet me të cilat ato përballen çdo ditë, teksa vuajnë mungesën e punës, të parave dhe bukës.
Featured image of article: “A është jetë kjo, bukë me listë në 2020?”, Basha ‘iu qan hallin’ grave fierake: Ata e kanë mendjen vetëm për të zhvatur, s’kanë veshë për të dëgjuar (VD) Lulzim Basha
Përditësuar:

FIER-  Kryetari i Partisë Demokratike, Lulzim Basha, në kuadër të nismës “Po të dëgjoj”, ka shkuar ditën e sotme në qytetin e Fierit, ku është takuar me banorët dhe është njohur nga afër me problemet e tyre.

Në një bisedë me një familje, lideri i PD-së, Basha  ka dëgjuar problemet dhe hallet me të cilat ato përballen çdo ditë, teksa vuajnë mungesën e punës, të parave dhe bukës .

“A është jetë kjo, të marrësh bukë me listë në 2020?”- i thotë një nga zonjat, ndërkohë që të tjerat i kujtojnë mungesën e punës dhe me të moshuarat ankohen se në 7 vite nuk u kujtua kush për t’iu rritur pensionet.

Për më shumë bëhu pjesë e grupit më viral në Facebook, Dosja.al

“Këta nuk kanë zemër për t’i kuptuar problemet tuaja, e kanë mendjen vetëm për të zhvatur”- thotë Basha, duke kërkuar të jene bashkë, pasi vetëm kështu nuk mund t’i cënojë njeri, as dinjitetin e as të drejtat”, shprehet Basha.

“Me nënat dhe gratë fierake që rrisin fëmijët dhe mbajnë shtëpinë duke u përballur përditë me varfërinë dhe padrejtësitë që rriten. Edhe pse në kushtet e mbijetesës, ato janë me kurajo dhe dinjitet, por edhe me shpresë se #DiteMeTeMira do vijnë për to dhe për familjet e tyre. Sepse fierakët dhe gjithë shqiptarët meritojnë të nesërme më të mire.”, #PotëDëgjoj”, shkruan Basha.

Kryetari i Partisë Demokratike Lulzim Basha ka nisur së fundmi të takojë qytetarë në Tiranë dhe rrethe të tjera që t’i pyesë rreth shpenzimeve ditore dhe se si ja dalin me problemet e përditshme. Herën e kaluar, Basha u takua me Verën, pensionisten që paguante 120 mijë lekë drita. Po ashtu Basha ka vizituar edhe një pikë servisi makinash ku takoi pronarin e pikës që quhet Nik, ku folën për xhiron ditore dhe shpenzimet.

(a.m/dosja.al)

Shto Koment