Aktualitet

Katër muaj pa rroga, naftëtarët e Ballshit sërish në protesta: Me këto të ardhura jetojmë

Naftëtarët në rafinerinë e mbyllur të Ballshit vijojnë të protestojnë duke u shprehur se me të ardhurat e kësaj pune jetojnë dhe s'kanë të ardhura të tjera.
Featured image of article: Katër muaj pa rroga, naftëtarët e Ballshit sërish në protesta: Me këto të ardhura jetojmë Protestuesit ne Ballsh

BALLSH– Në Ballsh të Fierit naftëtarët janë ngritur sërish në protesta për  shkak të mos marrjes së pagave prej disa muajsh. Kjo është dita e dytë e protestës së naftëtarëve dhe ata këmbëngulin në të drejtat  e trye prandaj nuk largohen nga dera e uzinës së Ballshit.

Sipas deklaratave të punëtorëve, ata kanë thënë se me ato të ardhura që marrin nga puna jetojnë, prandaj kërkojnë edhe një zgjidhje sepse ata duan t’i rikthehen punës.

Mësohet gjithashtu se pak minuta më parë, protestuesit janë përplasur me policinë ndërsa tani gjendja është qetësuar, por ato vijojnë të qëndrojnë para derës së uzinës.

Kujtojmë që rafineria pavarësisht se është mbyllur, nuk ka shpallur falimentin në rrugë ligjore, ndërsa punëtorët vijojnë të theksojnë se ata nuk kanë marrë pagat prej 4 muajsh.

Për më shumë bëhu pjesë e grupit më viral në Facebook, Dosja.al

“Hajdeni na tregoni çdo bëhet, drejtuesit e firmës pjes nuk vijnë  të flasin.Ke fëmijë apo jo, ke fëmijë”– i drejtohet një protestues njërit prej përfaqsuesve të firmës.

“Jepni lekët njerëzve se do të vdesin për bukë jepni rrogat.”-shton ai

Rreth një javë më parë naftëtarët e Ballshit protestuan sërish. Ata deklaruan se kanë 4 muaj pa rroga dhe nëse nuk u jepet një zgjidhje do të marshojnë drejt Tiranës.  Rafineria e Ballshit e administruar nga kompania “Tosk Energji” është mbyllur që në muajin shtator, dhe punëtorët prej asaj kohe kanë dalë në protestë. Naftëtarët kanë dalë disa herë në protestë në Fier, ku kanë kërkuar që të marrin pagat e tyre, por nuk janë dëgjuar nga autoritetet. Janë më shumë se 800 punëtorë që kanë mbetur pa punë. Bankers në një reagim pas mbylljes së rifinerisë, e ka hedhur fajin tek ‘Tosk Energji’, ku u shpreh se kjo kompani ka shkelur disa herë kontratat, çka e ka vënë atë në pozitë të vështirë për sasinë e naftës gjendje, e cila ka kaluar më pas për eksport.

A.C/Dosja.al

Shto Koment