Showbiz

Fatkeqësia në familje/ Aurela Gaçe i dedikon këngë kushërirës së saj: Nuk mundi të thoshte ‘Veten dua gjallë’ (VD)

Kënga përcjell një mesazh të fuqishëm dhe Aurela shprehet se çdo grua nuk duhet të heshtë përballë dhunës psikologjike apo fizike, por duhet ta dojë veten e saj dhe ta vlerësojë atë.
Featured image of article: Fatkeqësia në familje/ Aurela Gaçe i dedikon këngë kushërirës së saj: Nuk mundi të thoshte ‘Veten dua gjallë’ (VD) Aurela Gaçe

Për emsionin “Jo vetëm modë”, në TV Klan, këngëtarja e njohur Aurela Gaçe ka treguar mjaft të pathëna lidhur me projektin e saj më të fundit muzikor, “Veten Dua Gjallë”.

Kjo këngë është pjesë e albimit të ri për të cilin këngëtarja po punon prej kohësh, por “Veten Dua Gjallë” ka qenë projekti më impenjativ i saj. I konceptuar si një film i shkurtër, video muzikore ka si protagonist krahas Aurelës, aktorin Gert Ferra në rolin e bashkëshortit dhunues.

Për të realizuar videon e këngës janë dashur muaj të tërë, që nga krijimi i konceptit të saj, deri tek xhirimi i pesë skenave të ndryshme, të cilat përkuan me ditët më të ftohta të vitit.

Kënga përcjell një mesazh të fuqishëm dhe Aurela shprehet se çdo grua nuk duhet të heshtë përballë dhunës psikologjike apo fizike, por duhet ta dojë veten e saj dhe ta vlerësojë atë.

Për më shumë bëhu pjesë e grupit më viral në Facebook, Dosja.al

Më tej, këngëtarja tregon se kjo këngë i dedikohet kushërirës së saj, e cila mbas një martese të gjatë me dy fëmijë dhe mbas një dhune të vazhdueshme nuk arriti dot të thoshte unë dua veten time gjallë. Pavarësisht ndihmës nga ana e familjes, ajo humbi jetën.

Aurela Gaçe: Mund të them që kam në familjen time një fatkeqësi të tillë. Kushërira ime, mund të them se i kushtohet asaj, sepse mbas një martese të gjatë me dy fëmijë, mbas një dhune të vazhdueshme ajo nuk arriti dot të thoshte unë dua veten time gjallë. Nuk ja arriti dot atë gjë me veten e saj, me gjithë ndihmën që i dha familja dhe ajo është një nga ato gra që humbi jetën. Mos mendojnë njerëzit se unë jam këtu sot sepse unë jam thjesht vajzë e fortë. Jo, i kam kaluar të gjitha fazat derisa kam thënë jo, jo, unë vlej. Nuk bëhesh rastësisht e fortë.

Marrë nga tvklan.al

Etiketa:

Shto Koment