Rajoni

Ambasada amerikane i bën thirrje qeverisë së Kosovës të heqë menjëherë taksën

Ambasada e SHBA-së ka thënë se në një kohë të tillë  bashkëpunimi rajonal dhe ndërkombëtar është një faktor kyç, prandaj dhe duhet të mënjanohen pengesat për qarkullimin e mallrave.
Featured image of article: Ambasada amerikane i bën thirrje qeverisë së Kosovës të heqë menjëherë taksën Foto ilustruese

PRISHTINË– Ambasada amerikane në Prishtinë  ditën e sotme përmes një postimi në faqen zyrtare në Facebook i ka kërkuar qeverisë së Kosovës që të heqë menjëherë taksën që ka vënë ndaj mallrave serbe.

Ndër të tjera në njoftimin zyrtar Ambasada e SHBA-së ka thënë se në një kohë të tillë  bashkëpunimi rajonal dhe ndërkombëtar është një faktor kyç, prandaj dhe duhet të mënjanohen pengesat për qarkullimin e mallrave.

Postimi i Ambasades ne Facebook

“Në raste si këto, bashkëpunimi rajonal dhe ndërkombëtar është thelbësor. Është koha që Kosova dhe fqinjët të ndalojnë pengesat për qarkullimin e lirë të mallrave. Ne përsëri i kërkojmë Qeverisë së Kosovës të ndërmarrë hapin e parë të guximshëm dhe të heqë taksën tani.”– thuhet në deklaratë.

Për më shumë bëhu pjesë e grupit më viral në Facebook, Dosja.al

Kryeministri i Kosovës, Albin Kurti ka njoftuarse Qeveria e Kosovës ka vendosur ta heqë përkohësisht taksën 100% të vendosur për mallrat që importohen nga Serbia dhe Bosnja e Hercegovina. Në një deklaratë për mediat, Kurti u shpreh se ky vendim është marrë për të parë reagimin e Serbisë kundrejt njohjes së Kosovës si shtet dhe do të vihet në zbatim duke filluar nga data 15 mars. Sipas Kurtit, kjo gjë do të zgjasë për një periudhë 90 ditore, deri më 15 qershor dhe nëse Serbia nuk ka reflektuar për marrëveshje me Kosovën, taksa do të rivendoset. Ndërsa Vuçiç ka shtuar se nuk ka marrëveshje pas heqjen e plotë të tarifës.

A.C/Dosja.al

Shto Koment