Showbiz

New York qendër epidemie, të famshmit Danny DeVito dhe De Niro me tone lutëse ndaj të rinjve: Mos rrezikoni të moshuarit

VIDEO
Danny DeVito dhe Robert De Niro i nxisin të rinjtë të qëndrojnë në shtëpi.
Featured image of article: New York qendër epidemie, të famshmit Danny DeVito dhe De Niro me tone lutëse ndaj të rinjve: Mos rrezikoni të moshuarit Aktorët, Danny DeVito dhe Robert De Niro.

SHBA– Dy aktorët e famshëm hollivudianë, Danny DeVito dhe Robert De Niro u kanë bërë thirrje të rinjve në New York të qëndrojnë të izoluar dhe të mos rrezikojnë më të moshuarit.

DeVito në një status në rrjete sociale me tone lutëse iu drejtua të rinjve të qëndrojnë brenda shtëpisë gjatë pandemisë së koronavirusit, sepse në të kundërt “të moshuarit” si ai mund të vdesin.

Aktori i dashur regjistroi një video nga brenda shtëpisë së tij për guvernatorin e New York-ut Andrew Cuomo, i cili e publikoi në kanalet e tij në mediat sociale.

Në video, DeVito thotë: “Unë po ju kërkoj nga thellësia e zemrës sime, në të gjithë shtetin e New York, qëndroni në shtëpi. E kam fjalën për të gjithë. Kjo pandemi…të rinjtë mund ta marrin atë dhe mund ta transmetojnë atë tek të moshuarit. Ju lutemi, na bëni një favor, të gjithë, dhe qëndroni në shtëpi dhe mos përhapni këtë virus përreth.”

Për më shumë bëhu pjesë e grupit më viral në Facebook, Dosja.al

Robert De Niro u thirr gjithashtu nga Cuomo për të regjistruar video mesazhin e tij, në të cilin ai i referohet një linje të famshme nga komedia e tij hit “Meet the parents”.

“Ne kemi nevojë për të ndaluar përhapjen e virusit,”- thotë De Niro, duke shtuar: “Unë po ju shikoj.”

Nju Jorku aktualisht është në izolim si rezultat i koronavirusit, me 16,000 raste të raportuara vetëm në shtet, që nga 22 marsi. Nga 414 personat që kanë vdekur në Shtetet e Bashkuara si pasojë e sëmundjes, 114 ishin me qendër në New York.

Burimi: The Indipendent

R.L/Dosja.al

Shto Koment