Sociale

Krijimtari, mirësi dhe pastërti…/ 5 arsye që ofrojnë shpresë mes situatës të vështirë të koronavirusit

Ne tashmë e kemi kuptuar që që këto janë kohët më  të vështira për njerëzit në mbarë botën ndërsa koronavirusi vazhdon të përhapet çdo minutë e më tepër.
Featured image of article: Krijimtari, mirësi dhe pastërti…/ 5 arsye që ofrojnë shpresë mes situatës të vështirë të koronavirusit Dy persoma duke u perqafuar

TIRANË– Numri i infeksioneve dhe viktimave janë në rritje, qytetet dhe madje shtetet po mbyllen dhe shumë njerëz po detyrohen të izolohen. Por mes gjithë lajmeve shqetësuese, ka pasur edhe arsye për të gjetur shpresë.

Së fundmi në një artikull BBC ka shkruar një artikull ku  jep  pesë arsye pse njeërzit duhet të kenë ende shpresë.

Në këtë artikull ajo që theksohet është edhe ajo ana pozitive që ka koronavirusi për njerëzit dhe natyrën.

Ulet ndotja e ajrit

Menjëherë me izolimin e njerëzve nga koronavirusi vendet janë mbyllur e për këtë shkak ka pasur rënie të konsiderueshme të nivelit të ndotjes.

Si Kina edhe Italia kanë regjistruar rënie të lartë të dyoksidit të karbonit, një ndotës serioz i ajrit dhe kimikatet e fuqishme të ngrohjes, i cili ka rënë nga zvogëlimi i aktivitetit industrial dhe lëvizjes së makinave.

Sipas hulumtuesve në SHBA për BBC është bërë me dije se rezultatet e hershme të monoksidit të karbonit, kryesisht nga makinat, është reduktuar në gati 50 për qind krahasuar me një vit më parë. gjithashtu edhe anulimi masiv i fluturimeve dhe miliona punëtorëve që punojnë nga shtëpia ka ndikuar shumë.

 Pastrohen kanalet

Në një shënim të ngjashëm, banorët e Venecias kanë vërejtur një përmirësim të gjerë në cilësinë e ujit të kanaleve të famshme që kalojnë nëpër qytet.Rrugët turistike në veri të Italisë janë zbrazur mes shpërthimit që çon në një rënie drastike të trafikut të ujit, i cili ka lejuar që sedimentet të largohen. Uji që zakonisht ka qenë vetëm i errët është bërë aq i pastër sa mund të shihen edhe peshqit.

Mirësia mes njerëzve 

Ka histori rreth panikut gjatë blerjes së gjërave, por virusi gjithashtu ka nxitur sjellje të mirësisë rreth botës. Dy banorë nga Neë Yorku mblodhën më tepër se 1300 vullnetarë brenda 72 orëve për të shpërndarë prodikte ushqimore dhe ilaçe për njerëzit e moshuar apo të rrezikuar në qytet. Facebook tha se qindra mijëra persona në Britani të Madhe u janë bashkuar grupeve lokale të ngritura kundër virusit, e grupe të ngjashme janë formuar edhe në Kanada, duke krijuar kështu një trend të njohur si “përkujdesja”.

Për më shumë bëhu pjesë e grupit më viral në Facebook, Dosja.al

 Një front i bashkuar

Mes punës së lodhshme dhe jetës në shtëpi është e lehtë që njerëzit të ndihen të shkëputur me njerëzit që ndanin kohë më parë. Përderisa virusi na prek të gjithëve, ai ka afruar shumë komunitetet përreth botës.

Ashtu sikurse kemi parë edhe në Itali, njerëzit e izoluar nëpër shtëpitë e tyre, kanë kënduar nga ballkonet e tyre. Ndërsa në Spanjë një instruktor i fitnesit ka mbajtur një orë të ushtrimeve nga një çati, me qytetarët që ushtronin në ballkonet e tyre.

Por gjithashtu COVID-19 ka vënë në pah rëndësinë e mjekëve dhe infermiereëve apo njerëzve të tjerë që nuk kanë pushim e po punojnë në këto ditë të vështira.

Kreativiteti dhe nxjerrja në pah e talenteve

Në  botë janë izoluar me miliona njerëz, ku tashmë shumë prej tyre po përdorin mundësinë të nxjerrin në pah talentet dhe kreativitetin  e tyre. Përdoruesit e rrjeteve sociale kanë ndarë detaje të hobit të tyre, përfshirë leximin, gatimin, e pikturimin. Biblioteka publike në Washington është njëra prej tyre që është duke mbajtur një klub virtual për librin, ndërsa kuzhinieri italian me yje Michelin, Massimo Bottura ka nisur një seri në Instagram të quajtur “Kantina e Kuzhinës”, duke iu mësuar të izoluarve receta bazike.

Ndërkohë që shumë ambiente publike janë mbyllur, fansat e artit kanë pasur rastin të shohim galeritë më të mëdha në botë përmes vizitave virtuale, nga pikturat e famshme të Louvret në Paris deri te skulpturat klasike të Vatikanit.

Në rang global kanë humbur jetën deri më tani 12,944 persona dhe të infektuar janë rreth 300 mijë të tjerë, por 91,954 persona kanë fituar betejën me koronavirusin. Në Europë, Italia ngelet një nga vendet më të prekura, dhe numri i personave që po humbin jetën rritet ndjeshëm çdo ditë. Deri më tani në Itali kanë humbur jetën 4,825 persona, ndërsa numri i të infektuarve nuk po njeh limit duke arritur shifrën e 42.681 personave.

Burimi: BBC

A.C/Dosja.al

Shto Koment