Diaspora

Gratë e Organizatës “Kayav” diskutojnë në ambientet e Parlamentit britanik kundër dhunës ndaj gruas

Gratë pjesëmarrëse të kësaj organizate që kanë diskutuar për çështjen e gruas në ambientet e parlamentit britanik, kanë folur edhe para Julie Ward, ish-parlamentare e BE-së dhe ideatore e kampanjës “1 Billion Rising”.
Featured image of article: Gratë e Organizatës “Kayav” diskutojnë në ambientet e Parlamentit britanik kundër dhunës ndaj gruas Foto ilustruese nga takimet e tyre

BRITANI E MADHE– Organizata “Kayav – Kosovar Albanian Youth Against Violence”, kanë folur në Parlamentin e Britanisë së madhe për  dhunës ndaj gruas si dhe për dhunën seksuale si mjet lufte.

Gratë pjesëmarrëse të kësaj organizate që  kanë diskutuar për çështjen e gruas në ambientet e parlamentit britanik, kanë folur edhe para Julie Ward, ish-parlamentare e BE-së dhe ideatore e kampanjës “1 Billion Rising”.

Ndër të tjera ajo u shpreh se ishte shumë e lumtur me ftesën dhe pjesëmarrjen në këtë aktivitet që për të u cilësua si shumë i rëndësishëm.

 “Shumë e lumtur që marr pjesë në këtë ngjarje aq të rëndësishme dhe falenderoj KAYAV-in për organizimin të këtij eventi në Parlamentin britanik, në prezencë të parlamentarëve dhe të aktivistëve për të drejta të grave, dhe shpresoj sa më shumë të promovohet arti si mjet komunikimi për gratë e stigmatizuara, siç është dhuna seksuale si mjet i luftës, si rasti i 20,000 të mbijetuarave të dhunës seksuale nga forcat serbe, gjatë vitit 98/99 në Kosovë.”-  u shpreh Ward.

Për më shumë bëhu pjesë e grupit më viral në Facebook, Dosja.al

Ndërkohë drejtoresha e KAYAV, Rema Duli në fjalën e saj në këtë aktivitet, falenderoi përzemërsisht Martin Vickers, deputetin britanik në krye të Grupit Parlamentar për çështje të Kosovës.

“Për komunitetin shqipfolës në Londër, kjo ngjarje do të thotë se kemi hapësirë të sigurt ku mund të zhvillojmë çështjen e dhunës ndaj grave dhe vajzave, gjatë luftës së fundit në Kosovë, dhunës në familje, punë, shkollë dhe shoqëri. Sot duam të ngremë zërin kundër stigmës, tabusë rreth temës së dhunës ndaj grave dhe vajzave. Ne si nëna duhet të fillojmë të flasim me fëmijët tanë, të thyejmë stigmën përreth të gjitha formave të dhunës; në familje, në marrëdhënie, dhunës seksuale. Vajzat duhet të mësojnë nga një moshë e re, dhuna e të gjitha formave nuk lejohet assesi, dhe dhunuesi duhet të raportohet dhe të denoncohet. Djemtë duhet të edukohen që nuk ka të drejtë ta dhunojë gruan, ajo ka përkrahjen dhe fuqinë nga shteti dhe shoqëria. Nuk është marre ta lajmërosh dhunën! Marre është të jesh dhunues! Nuk guxojmë të lejojmë dhunuesit të fitojnë.”- tha Duli.

A.C/Dosja.al

Shto Koment