Sport

Dortmund përballë Besiktasit, Rose: “Duam të bëjmë histori, jemi gati”

Trajneri i Borussias e vlerëson shumë skuadrën turke, por kërkon një start të mbarë nga skuadra e tij në ndeshjet në grup të Champions League
Featured image of article: Dortmund përballë Besiktasit, Rose: “Duam të bëjmë histori, jemi gati”

TURQI – Marco Rose, trajneri i Borussia Dortmund, ka folur në prag të ndeshjes kundër Besiktas: “Do të jetë një ndeshje e vështirë dhe e ekuilibruar. Jam i sigurt se do të jetë emocionuese. Besiktas luan shumë agresivisht në mbrojtje dhe është i fortë përpara, por ne jemi përgatitur për këtë. Ne do të luajmë hapur, jemi të sigurt dhe do të luajmë një ndeshje të denjë për Champions League.

Skuadra është e vendosur; e kemi filluar mirë kampionatin dhe shpresojmë ta fillojmë mirë edhe Champions League. Shpresojmë të bëjmë histori. Ne jemi të përgatitur dhe e dimë se do të luajmë në një nga stadiumet më të zhurmshëm në Europë. Kjo na motivon dhe ne duhet ta përdorim atë pozitivisht”.

Rritja e Haaland? “Erling është një lojtar i jashtëzakonshëm dhe ka potencial të madh. Ai është i ri dhe ende mund të fitojë më shumë përvojë në këtë nivel.”

Për më shumë bëhu pjesë e grupit më viral në Facebook, Dosja.al

Ndeshja Besiktas-Borussia Dortmund do të luhet sot, në orën 18:45 në stadiumin “Vodafon Park” të Stambollit. Ajo ështe e vlefshme për grupin “C”, ku bëjnë pjesë edhe Ajax dhe Sporting.

B.T (Dosja.al)

Shto Koment