Politike

“Donte të bënte Plaza Shopping”, Berisha i përgjigjet akuzave të Ramës për ndërtimin tek Teatri Kombëtar: Mashtrim, më erdhi ofertë për stadium, kam qenë kategorikisht….

I ftuar në studion e “Opinion”, Berisha tha se ky është një mashtrim dhe se nuk ka ekzistuar kurrë një ofertë për të ndërtuar në truallin e teatrit një qendër tregtare me emrin “Plazza shopping”, siç tha Rama.
Featured image of article: “Donte të bënte Plaza Shopping”, Berisha i përgjigjet akuzave të Ramës për ndërtimin tek Teatri Kombëtar: Mashtrim, më erdhi ofertë për stadium, kam qenë kategorikisht…. Edi Rama dhe Sali Berisha

TIRANË– Ish-kryeministri Sali Berisha iu përgjigj sot akuzave të kryeministrit Edi Rama, i cili pak ditë më parë u shpreh se në kohën e Berishës, i ka shkuar në zyrë një investitor gjerman dhe i ka propozuar që në tokën e Teatrit Kombëtar të ngrihet një qendër tregtare.

I ftuar në studion e “Opinion”, Berisha tha se ky është një mashtrim dhe se nuk ka ekzistuar kurrë një ofertë për të ndërtuar në truallin e teatrit një qendër tregtare me emrin “Plazza shopping”, siç tha Rama.

Një mashtrim ordiner i paftyre sepse kurre nuk kam patur asnjë ofertë për të ndërtuar aty qendër tregtare. Kam patur oferta për stadium dhe kam qenë kategorik por për teatrin kurrë nuk më ka ardhur njeri për të ndërtuar qendër tregtare. Është një trillim për të mbuluar genocidin kulturor që bëri Rama kur shembi një nga simbolet kombëtare,”- tha Berisha.

Për më shumë bëhu pjesë e grupit më viral në Facebook, Dosja.al

Në një lidhje me Skype në studion e News 24, Rama tha se në kohën e Berishës, një investitor i shkoi në zyrë dhe i propozoi nëj qendër tregtare në tokën e Teatrit Kombëtar. Rama tha se kishte refuzuar.

(f.m/dosja.al)

Shto Koment